Sekretari i Përgjithshëm i PD, Gazmend Bardhi, ka pranuar në një deklaratë në TV, se PD ka ngritur një strukturë të armatosur për “mbrojtjen” e votës.
Në përpjekje për të justifkuar vrasjen në Elbasan, Bardhi vlerësoi këtë stukturë si jetike për PD dhe fajësoi kundërshtarët që e paskan provokuar.
Në një koment të tij, botuesi i gazetës TemA, Mero Baze, i bën thirrje organeve të drejtësisë të hetojnë këtë strukturë.
“Pra de facto ne paskemi paramilitarë të armatosur nga PD që mund të vrasin kë të duan për qëllime të partisë.
Anëtarët e kësaj structure, sipas Bardhit, kur vrasin njerëz, nuk quhen vrasës, por mbrojtës”, shkruan Baze.
Organet e drejtësisë duhet të marrin të pandehur zotin Bardhi, si person në dijeni dhe përgjegjës për këtë strukturë dhe ta vënë atë para përgjegjësisë ligjore.
Strukturat e fundit paramilitare në Ballkan i ka pasur Sllobodan Miloshevici, siç ishin ato të Arkanit, por dhe ai i ka përdorur për të terrorizuar popujt e tjerë të ish- Jugosllavisë.
Berisha dhe Meta duan t’i përdorin për të terrorizuar shqiptarët pse nuk i votojnë.
