Pas Xhelal Mziut të Kamzës edhe Florenc Hoxhës, ish – kreut të Inspektoratit Ndërtimor të Tiranës gjatë kohës që bashkinë e kryeqytetit e drejtonte Lulzim Basha, po i “digjet shpirti” për banorët e Astirit, shtëpitë pa leje të të cilëve preken nga projekti i zgjerimit të Unazës së Madhe.
Ndërsa disa vite më parë ai vet edhe personalisht kacafytej dhe dhunonte qytetarët e Tiranës duke u prishur banesat e bizneset e tyre, sot si për ironi të fatit, ai ka qenë i pranishëm në protestën e Astirit, për të mbështetur më shumë kauzën opozitare se sa hallin e banorëve të kësaj zone.
Ai nuk ka ngurruar të shfaqet në krah të kreut të opozitës Lulzim Basha, pavarësisht se ndaj tij rëndojnë një sërë akuzash për dhunim dhe prishje të pronës së qytetarëve gjatë kohës që drejtonte Inspektoratin Ndërtimor të Tiranës .
Kujtojmë se ai është arrestuar në vitin 2015 në kushtet e flagrancës nga Policia e Tiranës pasi në rrugën ‘’Ali Demi”, kanosi se do t’u prishte lokalin dhe goditi me grushte dhe shkelma shtetasit K.K, 35 vjeç, banues në Tiranë dhe E.K, 37 vjeç, banues në Tiranë”
