Përtej kritikëve apo përjashtimit të njerëzve që mendojnë ndryshe nga ai, Lulzim Basha së fundi i ka futur një thikë pas shpine edhe tre sekretarëve dhe bashkëpunëtorëve të tij më të ngushtë, Arben Ristani, Enno Bozdo dhe Fatbardh Kadilli.
CNA.al pak kohë më parë raportoi se Lulzim Basha kishte bërë një pazar me sekretarët e tij, të cilët gati një vit më parë nuk i vendosi në listat e kandidatëve për deputet. Ajo ishte goditja e parë që ju dha sekretarëve.
Pas humbjes së turpshme në zgjedhje, ai ftoi Ristanin, Kadillin dhe Bozdon sërish të ishin mbështetësit e tij kryesorë, për më tepër edhe manipulatorët dhe falsifikatorët e zgjedhjeve të 22 korrikut.
Basha duke u ndjerë i vetëm i thirri nga pas dhe i keqpërdori sërish duke ju premtuar se do të qëndronin në postet e tyre dhe do të ishin pjesë e strukturave drejtuese të PD dhe duke ju kërkuar ndjesë për moskandidim.
Dy muaj më parë, Lulzim Basha vendosi ti shpërblente. Ai njoftoi thirrjen e një Kongresi Zgjedhor pas marrëveshjes me sekretarët, me premtimin që të zgjidhej Këshilli Kombëtar dhe më pas Ristani të mbante postin e tij dhe Bozdo me Kadillin të qëndronin në role sekretarësh.
Dy ditë më parë, Arben Ristani njoftoi publikisht tradhëtinë e radhës nga Lulzim Basha dhe hedhjen e tij dhe dy sekretarëve në “koshin e plehrave” të Partisë Demokratike.
Kuvendi Kombëtar sipas Ristanit nuk do të jetë zgjedhor, por vetëm statutor. Pra, sekretari dhe mbështetësi i Bashës njoftoi se kryetari i PD-së kishte lëvizur nga marrëveshja me ta dhe Kuvendi Zgjedhor do të bëhet vetëm pasi të përfundojnë zgjedhjet në bazë me shpresën se mund të jenë ende në pozitë drejtuese.
Me zgjedhjet në bazë ata po bëjnë përpjekjet e tyre të dëshpëruara dhe në fund do të ngelen jashtë drejtimit dhe do të pësojnë gënjeshtren e radhës së Bashës dhe do vendosin fundin e karrierës së tyre politike në drejtimin e PD-së.
