Kryedemokrati Lulzim Basha ka dalë në një deklaratë për media ku ka folur lidhur me taksimin e Rrugës së Kombit dhe aksionin e ri opozitar.
Basha i fton shqiptarët që të mos paguajnë më taksa pasi sipas tij kryeministri Edi Rama nuk i arreston dot.
“Mashtrimet e Ramës janë shenjat e dëshpërimit dhe panikut që e ka kapur. Rama i grabit dyfish shqiptarët, dhe pastaj u bie dyfish me kërbaç, reagimi i shqiptarëve në Kukës dhe në mbarë vendin është për situatën në të cilën ndodhen.
Merr miliona euro nga taksa e qarkullimit, por nuk i përdor për rrugët. Dhe sot vendos një tjetër taksë për të kaluar rrugën.
Ky është taksim i dyfishtë i shqiptareve. Ata banorë në Kukës u ngritën për bukën e gojës, pasi e kanë të pamundur që të paguajnë takse për të kaluar në Rrugën e Kombit.
E bën këtë për të mbushur xhepat e tyre. paratë e shqiptarët nuk u shërbejnë shqiptarëve, por i përdor për inceneratorët e Ahmtajt. Së dyti, ky është një reagim ndaj padrejtësisë së dyfishtë.
Një javë i la kohë Rama me prokurorinë e tij Arbër Çekajt të arratisej edhe pse kishte sjellë një sasi të madhe kokainë.
Qytetarët që protestojnë kundër padrejtësisë, terrorizohen, që të mos reagojnë ne.
Ndaj jemi për mosbindje qytetare. Kjo është edhe një thirrje ndaj sipërmarrjes së vogël që mos ta paguajnë”, tha Basha me sy të skuqura nga ëndrrat e gjata.
