Pas disa muajsh mungesë, dy ditë më parë opozita u rikthye në Kuvend, me justifikimin e mbrojtjes së studentëve, por në fakt bojkoti i saj në këto muaj nuk ka vlejtur për asgjë, përtej qënies në protestë tek “Astiri”, ku firma fituese e këtyre dy loteve tashmë doli se i ka blerë Mercedesin luksoz Lulzim Bashës, por edhe ka përfaqësuesit e saj në Këshillin Kombëtar të PD-së.
Kohët e fundit “Viktoria Invest” ka qënë ndër kompanitë e përfolura në lidhje me dy lotet e investimit, për ndërtimin e Unazës së madhe në Tiranë. Ndërkohë ka plasur dhe skandali, ku thuhet se “Viktoria Invest” ka qënë ndër kompanitë që ka blerë makinën e Lulzim Bashës.
Po ashtu njihen edhe lidhjet e Lulit me “Viktoria Invest” në Elbasan dhe me biznesmenin Fatmir Kuçi.
Duke hedhur një vëzhgim të thjeshtë në listën e Këshillit Kombëtar të PD-së, gjen edhe emrin e Viktor Bellës.
Viktor Bella është një kushëri i biznesmenit Fatmir Kuçi, i cili ka qënë një nga njerëzit më pranë kompanisë “Viktoria Invest” dhe presidentit të saj.
Deputet dhe i deleguar i PD-së në Elbasan, Lulzim Basha e katapultoi njeriun e Fatmir Kuçit në fillim kryetar të FRPD-së, më pas e mori me vete në Ministrine e Brendëshme, pastaj e rikthehu në Elbasan të drejtonte ujesjëllesin, pastaj e rimori në Tiranë për ta emëruar në Bashkinë që drejtoi katër vjet.
Tashmë Viktor Bella përtej detyrës politike, duket të jetë qartësisht edhe përfaqësuesi i Viktoria Invest në Këshillin kombëtar të PD-së./ CNA.al
