Në ngjarje e pazakontë ka ndodhur në Itali, ku një 35-vjeçar i dënuar me arrest shtëpie është arratisur drejt rajonit policor për t’ju thënë policëve që ta lënë në qeli. Kjo sepse ai nuk mund të durojë më bashkëjetesën me partneren e tij.
35-vjeçari kishte arritur të shmangte burgun, duke u dënuar me arrest shtëpie, por jeta familjare ishte bërë shumë e komplikuar. Kështu ai vendosi të paraqitej në rajonin më të afërt të policisë duke shprehur pakënaqësinë për bashkëjetesën e detyruar me partneren e tij.
Komandanti i policisë, pasi u informua për ngjarjen, vendosi transferimin e tij në shtëpinë e nënës, e cila ishte shprehur më se e gatshme të mirëpriste djalin e saj.
