Baton Haxhiu, analisti që paguhej nga oligarkët me paratë e tenderave dhe koncesioneve korruptivë, është impresionuar dhe mallëngjyer nga protesta e fundit e ish kryeministrit Sali Berisha. Batoni u shfaq i prekur emocionalisht nga protesta masive e Berishës, i cili e ka akuzuar sistematikisht si spiun të Millosheviçit.
“…nuk kam se çfarë t’i them. Sot njeriun të cilin politikisht nuk e dua, sot ia jap dorën. Vështirë që një njeri të organizojë tubime të tilla. Në korrik, në temperatura kaq të larta, gati të pashpresë se mund të ketë një tubim të tillë. Mendoj se as vetë Rama dhe stafi i tij nuk e kanë parashikuar”, tha Batoni, i cili është rrahur disa javë më parë në banesën e tij nga një grup nga Elbasani, duke pranuan në heshtje ‘parimin’ ‘goja llap dhe shpina dap’.
Baton Haxhiu rezultoi se paguhej me një rrogë 18 mijë USD në muaj nga oligarku Klod Allajbeu, gjoja si agjent marketingu i Spitalit Amerikan, në një kohë kur analisti ishte këshilltar i kryeministrit Edi Rama.
A e ka marrë Baton Haxhiu këtë pagë gati 10 herë më të lartë se sa paga e vetë kryeministrit, për shkak për shkak të aftësive të tij në marketing, apo për shkak të rolit të sekserit të Allajbeut tek kryeministri Edi Rama?
Nuk ka dyshim se, nëse Batoni nuk do të kishte ndikim si sekret tek Rama, oligarku nuk do ta paguante atë as sa një pastruese për të fshirë xhamat e spitalit!
Burime në korridoret e pushtetit kanë pohuar se Baton Haxhiu ka përcjellë në veshin e Ramës kërkesat korruptive të oligarkut për të marrë tendera, koncesione dhe favore të tjera nga qeveria, ku në këmbim i ka ofruar një bakshish marramendës Batonit.
Analisti, nga ana e tij, nuk e ka dashur bakshishin cash, por përmes sistemit bankar, duke i kthyer paratë e korrupsionit në para të ligjshme.
Pagesat e Klod Allajbeut ndaj Baton Haxhiut si këshilltar i Ramës janë një skemë e pastër korrupsioni, e ngjashme me Alqi Bllakon, vëllanë e Monika Kryemadhit dhe ish drejtoreshën në shëndetësi Shpresa Bellon, nënën e të cilës e paguante oligarku Janis Karathano me rreth 500 milionë lekë në vit, pasi merrte miliona euro para publike me tendera dhe koncesione korruptive.
SPAK ka goditur vetëm rastin Bllako, duke mos zbatuar të njëjtin standard për dy rastet e tjera.
