Deputetja e Partisë Demokratike Grida Duma, në një intervistë në “Syri Tv”, u shpreh se ka pasur gjithmonë dyshime se Lulzim Basha ishte i shitur apo pjesë e pazareve.
Ajo tha se demokratët kanë luftuar 100 %, por kanë menduar 100 % se Basha ‘na shet’.
Duma, një nga më të besuarat e Lulzim Bashës, befasoi opinionin publik kur shpërtheu kundër Bashës në momentin e tij më të vështirë politik, bashkë me bandillin e saj Ervin Salianjin.
Po si është e vërteta? Kur Basha humbi zgjedhjet duke lënë PD-në për herë të tretë në opozitë, Grida Duma dhe bandilli i saj Salianji jo vetëm nuk artikuluan asnjë kritikë, por mbështetën Bashën.
Grida Duma i kërkoi dorëheqjen Lulzim Bashës një vit më pas, kur Basha e kishte zëvëndësuar me Jorida Tabakun.
Në korridoret e PD-së ka pasur një konflikt të hapur mes çiftit Duma-Salianji dhe çiftit Tabaku-Gaz Bardhi. Kur Basha zgjodhi çiftin Tabaku-Bardhi, çifti Duma-Salianji shpërtheu kundër Bashës.
Kulmi arriti kur Basha zgjodhi Joridën për drejtimin e komisionit hetimor për inceneratorët.
E vërteta e përplasjes nuk ka lidhje me parime dhe fatin e PD-së, por me pazare dhe intriga.
“Dyshimi, ishte apo s’ishte i shitur, ishte në pazar kryetari formal apo nuk ishte në pazar. Ky dyshim qëndroi sepse kishte disa gjëra që logjikisht nuk përgjigjeshin.Pse nuk propozuam emra për Reformën në Drejtësi. Pse nuk morëm pjesë në Reformën Territoriale.
Jam kam thënë atëherë që ka rënë miti i rotacionit.Kur ra 8 vjetëshi, të luash me mitet, do të thotë që ti duhet të bësh namin e strategjisë që ti besojnë njerëzit se në mandatin e tretë do ja dalësh kur nuk ia dole në rotacionin historik.Një nga gjërat që demokratët kanë ndjerë, është që ne do luftojmë 100 për qind por për një njeri që mendojmë 100 për qind që s’na shet”, u shpreh deputetja Grida Duma.
