Ish kryeministri Sali Berisha ka vlerësuar gjestin e nën kryetarit të Kuvendit Edi Paloka i cili ka spërkatur me bojë kryeministrin Edi Rama.
Berisha gjykon se ky ishte një gjest i vlerësueshëm, por nuk ka harruar stilografin, njelloj si ne 21 janar kur vrau kater qytetare te pafajshem ne mes te bulevardit. Sot, ai kerkon ta ndjekin nga pas ne proteste per te djegur Tiranen.
Pyetje: Berisha e dinte Paloka që do të shante Rama?
Berisha: Po ku e di ti mori bojë apo ishte stilografi?!Ai mund të kishte një stilograf me vete.
Pyetje: A nuk është shkelje etike?
Berisha: A nuk ka gjë më të rëndë sesa kryetari i qeverisë që në cdo dalje shan kryetarin e opozitës. Vetëm në Venezuelë ndodh kjo.
Në bashkinë e Skraparit i lanë të gjithë pa rroga, sepse ka fatkeqësinë të jetë bashkia nga ka ardhur Presidenti i Republikës dhe nuk zbatojnë ligjin. I kanë bllokuar thesarin. Këta janë gangsterë dhe çfarëdo tu hedhësh në fytyrë këtyre borxhi nuk u del.
Berisha për viktimat e 21 Janarit: Puç, me çadra-pistoletë
Pas protestës së 21 Janarit, ku mbetën të vrarë katër persona, menjëherë erdhën edhe akuzat e ndërsjella mes forcave politike. Pa vonuar shumë, Kryeministri asajkohe Sali Berisha, doli në konferencë për shtyp, duke deklaruar se donin t’i bënin puç!
Ndërkohë që opozita u shpreh se shteti, nëpërmjet segmenteve të Gardës së Republikës dhe Policisë së Shtetit, ka vrarë katër qytetarë të pafajshëm shqiptarë dhe ka mbytur në gjak një demonstrim paqësor, që është e drejtë kushtetuese e qytetarit. Partia Socialiste akuzoi si urdhërues të vrasjeve Kryeministrin dhe ministrin e Brendshëm.
Por, Kryeministri nuk u ndal vetëm me akuzat për PS-në, ai sulmoi ashpër Prokurorinë, SHISH-in dhe Presidentin e Republikës, të cilët, sipas tij, donin ta rrëzonin me dhunë. Në deklarata publike, nga foltorja e Kryeministrisë, apo edhe nga takimet me gardistë dhe policë, ai pohoi se gjithçka ka qenë e organizuar dhe për këtë ngjarje, kanë bashkëpunuar një sërë personash.
Sipas tij, rol aktiv e kishte edhe prokuroria shqiptare, me në krye Ina Ramën, e cila, me bashkëpunëtorët e saj, urdhëroi ndalimin e drejtuesve të Gardës së Republikës. Madje, që natën e parë, Berisha tha se sulmi ishte i mirorganizuar, ku u përdorën çadra-pistoletë./Ekskluzive.al
