Mundësi Chermen Valiev ia doli të fitonte përballë Viktor Rassadin nga Taxhikistani dhe siguroi kështu medaljen e bronztë në peshën 74kg. Kjo ishte dhe medalja e parë historike për Shqipërinë në Lojërat Olimpike.
Kryeministri Edi Rama nuk humbi kohë për të falenderuar Valiev, ndërsa vuri në pah se është medalja e parë në histori. Rama përmendi Komitetin Olimpik, që po punon gjatë qeverisjes së tij.
Sali Berisha nuk e priti mirë postimin e kundërshtarit politik.
Berisha e konsideroi të rremë faktin që Valiev mban medaljen e parë Olimpike në emër të Shqipërisë.
“Për gënjeshtarin në krye të Piramidës së Mashtrimit. Miq, sot kreu i piramdës së mashtrimit Edi Rama paraqiti medaljen olimpike të Valiev si medaljen e parë në historinë e vendit.
Këtij njeriu që shet injorancë, neveri dhe gënjeshtra nga mëngjesi në darkë dikush duhet t’i kujtojë se mundësi legjendë, Ymer Pampuri u kthye nga Olimpiada e Mynihut 1972 me medalje të artë!”, shkruan Berisha.
Këtu plaku majë ballkonit i’a fut kot, pasi përmendi “mundësin” Ymer Pampurin. Faktikisht ky i fundit u shpall kampion në kampionatin Botëror të Mynih 1972. Madje asokohe theu rekordin Olimpik, por asgjë nuk lidhej me Lojërat Olimpike.
Madje Ymer Pampuri nuk ishte mundës por peshëngritës e këtë duhet t’i a thotë deputetja e tij mbesa e Ymerit, Oriola Pampuri
Nuk dihet përse i hyn këtij muhabeti, kur vetë e ka pranuar se nuk merr vesh nga sporti duke treguar dhe një herë se ka degraduar edhe mendërisht.
E keqja është se as ata që ka në staf, nuk marrin vesh për ta këshilluar.
