Ditën e nesërme nuk do të falet Festa e Fitër Bajramit në shesh siç është ritual i përvitshëm, edhe pse pavarësisht lehtësimit thuajse të plotë të masave kundër koronavirusit, e diela do të mbyllet sërish, çka do të thotë se besimtarët myslimanë nuk do të mund të falin namazin e Fiter Bajramit.
Festa është kulmi i një muaji agjërimi, i cili mbyllet zakonisht me lutje të përbashkëta mëngjesin e ditës pas mbylljes së muajit të shenjtë të Ramazanit.
Kryeministri Edi Rama, mbrëmjen e djeshme bëri edhe njoftimi e zakonshëm për rregullat e fundjavës për shkak të koronavirusit. Në statustin e tij, kreu i qeverisë u shpreh thjesht se gjithçka do të vijonte si javën e shkuar duke lënë të paqartë qytetarët.
Komentuesit kanë shpërthyer me lumë komentesh në statusin e Ramës, ku më shumë kanë spikatur besimtarët myslimanë, të cilët pas një muaji agjerim nuk do të mundin që të falën në shesh, por në Xhami me numër të limituar, sipas njoftimit të KMSH.
Nuk kanë munguar edhe komentuesit sarkastikë, të cilët më termin “njësoj si javën që shkoi” kanë përmendur Teatrin Kombëtar. Ata kanë pyetur numrin një të maxhorancës se cila ishte godina që do të prishej kësaj here. Ndër më pas disa të tjerë kanë shprehur shqetësim lidhur me platformën që Rama zgjedh të komunikojë më ta; përmes Facebook.
