Pas takimit të Lulit me ambasadoren amerikane Bilushi i Metës ka shtuar dyshimet për temën e bisedës. Shkak u bën njoftimet e ndryshme të bashkëbiseduesve.
Pas takimit Luli tha se folëm për dosjen ‘184’ të Dibrës dhe Meta u duk i qetë.
Pastaj doli ambasadorja e tha se folëm për listat e kandidatëve që duhet të jenë të pastër.
Këtu dyshimet e Bilushit u rritën shumë dhe ai u detyrua të kontrollojë bisedën përmes përgjuesve që kishin vënë në sallë, pasi Luli u kërkoi ndihmë të vendosin kamera të fshehta për takimin.
Problemi i parë që doli ishte se Luli ishte ankuar për Doktorin pasi i ka thënë ambasadores që ai nuk më pyet fare nëse do kandidoj apo jo. Madje ka thënë publikisht se do ta njoftoj Lulin, kur do kandidoj e ku do kandidoj.
Kjo sipas Lulit e pengon atë të bëjë gati listën e deputetëve, pasi ai nuk i jep përgjigje.
Në këtë pikë ai nuk di kë do ketë në listë pasi pret Doktorin.
Nga ana tjetër Luli i ka thënë se të gjithë kandidatët do të jenë si Doktori, pasi ai është etaloni i PD. Kështu që nëse kandidatët do jenë si Doktori, ai nuk përjashton dot as njerëz që janë akuzuar për korrupsion pasi Doktori e ka listën shumë të gjatë me akuza, as njerëz që akuzohen për vrasje, se Doktori ka 30 vrasje si familje, plus të tjerat.
Në këtë aspekt, ai i ka thënë ambasadores që i ka duart e lidhura për të vepruar në këtë drejtim.
Po ashtu nga përgjuesit që LSI ka vënë në sallën ku u bë takimi rezulton se Luli i është ankuar dhe për Metën duke i thënë që ka shumë elementë kriminal që po nuk i vura unë mi vë Meta dhe më merr vota më shumë se PD. Më mirë të fitoj unë se unë jam me ju, se sa të fitojë Meta.
Të njëjtën ankesë e ka pasur dhe për Shpëtim Idrizin dhe Dukën e Mediun.
Kjo vërtetetoi dyshimet e Bilushit se Basha diçka fshihte derisa bëri atë deklaratë që nuk kishte lidhje me takimin. Pasi të konsultohet me Doktorin, Meta do mbajë qëndrim ndaj këtij gjesti të ulët.
