Vizita e Metës në Hungari ka bërë entuziast shumë njerëz.
Jo vetëm pse ai më në fund arriti të bëjë një vizitë jashtë shtetit përveç Ulqinit dhe Dukagjinit, por mbi të gjitha se ka shkuar në një vend, i cili është më i dashuri për të.
Për këtë Bilushi bëri dhe një koment public:
“Të dashur miq!
Presidenti Meta ka shkuar sot në Hungari dhe ka pasur një vizitë shumë të suksesshme.
Ai është takuar me homologun e tij hungarez dhe ka pasur një bisedë konfidenciale shumë të rëndësishme.
Në fillim e ka falënderuar homologun e tij për vendosjen e bustit të Skënderbeut .
Më pas biseda ka shkuar tek gjendja në Ballkan dhe gabimet që po bëhen me Reformën në Drejtësi.
-Kam dëgjuar se gjërat nuk janë mire, i tha homologu i tij hungarez.
-Shumë keq, i tha Meta. Sovraniteti i vendit ka humbur tërësisht.
Ne nuk jemi në gjendje të marrim asnjë vendim vetë.
Unë luftova i vetëm për këtë çështje por më lanë në baltë.
-E di, më ka fol miku jot Gruevski, i tha homologu hungarez.
Edhe ai kur kërkoi strehim na foli shumë mirë për ty.
Më çoi njeriun në Qafët Thanë, tha, pastaj më mori një natë në Lalëz dhe më përcolli nga Mali i Zi.
Nuk ia harroj kurrë.
-Gruevski ishte njeri i mirë. E dënuan kot se kishte blerë një makinë.
Makinë tani s’ka fshatar që nuk ka, shkojnë dënojnë kryeministrin.
Dhe ata amerikanët e bën dhe ketë.
-Më ka treguar.
-Meqë ra fjala, po munde më siguro një takim me Gruveskin, se më ka marre malli. E kam pas shumë mik.
Tani kanë sjell në krye një fshatar që bën salcë domatesh.
Merre me mend ku e çuan Maqedoninë.
-Ke të drejtë, i tha homologu hungarez.
Ja ta njoftoj Gruevskin mos na vjen për një gotë verë në darkë.
-Desha dhe një ndihmë për punën e Sorosit.
Si ja keni bërë që e keni bindur popullin që është armik?
-Po si të them. Sorosi është hungarez dhe ne si popull besojmë shumë tek armiqtë e brendshëm kur bëhen armiq të jashtëm.
Ka ngjitur shumë ideja që si çifut ka tradhtuar Hungarinë.
-Dhe ne po përpiqemi po s’po ia dalim dot, tha Meta.
Biles dhe një botues gazete që kisha mik, më ka tradhtuar vetëm se ka lidhje me të.
Nuk e di si do të shkoj kjo punë.
-Mos u mërzit, i tha homologu. Për çdo gjë këtu na ke.
Gruevski ka vilë të madhe. Ka dhe vilë afër.
Mund të vish aty kur të duash.
Ço zonjën ta shikojë vendin po të pëlqeu, mos ki merak.
-Faleminderit, i tha Meta. S’ta harroj kurrë.
Pas kësaj ai do të kthehet i qetë në Shqipëri.
Edi Rama ta këtë të qartë se nuk ka çfarë t’i bëjë më”.
