Kaçi Bardhë bëri një apel publik, për ta ndihmuar të kuptojë pse njerëzit nuk ja lexojnë postimet. Ai shkruan mes të tjerash se: “në statuset e mia shikoj se reagimet e miqve nuk shkojne me shume se 7 perqind e tyre… dhe mesatarisht jo me shume se 160-200 reagime pra jo me shume se 4-5 %.
Sigurisht qe kjo me shtyn te mendoj se duhet te përmiresoj shumë cilësinë dhe karakteristika të ndryshme të postimeve, kjo s’ka asnjë dyshim…”!
Bilushi i Metës i dërgoi një mesazh ku e ndihmonte për të kuptuar situatën.
I dashur Kaçi!
E pashë postimin tënd dhe u ndjeva keq. E di që ti je njeri i sinqertë, por këto gjëra nuk shkruhen në facebook, pasi aty nuk ka njerëz të sinqertë.
Fakti që ty nuk t’i pëlqejnë postimet tregojnë diferencën e nivelit që ekziston mes teje dhe atyre që lexojnë. Ata që lexojnë nuk e kuptojnë vizionin tënd dhe as idetë e tua.
Ndaj duhet të veprosh si gjithë të tjerët.
Ti do lidhesh me grupin tonë. Ne kemi rreth 200 vetë që bëjnë komente dhe shpërndajnë postimet tona.
Kur ti të kesh një ide na e nis ne. Ne e marrim idenë dhe e bëjm status. Pastaj ta çojmë ty ta postosh dhe listës së komentusve.
Sapo të dalë ajo fillojnë komentet dhe reagimet. Pas kësaj ti do të ndjehesh i lumtur dhe nuk do të biesh në depresion siç ke rënë nga sinqeriteti.
Ruga e dytë është të lidhesh me listën e Kunatit. Aty ke një problem, s’ka nevojë të japësh ndonjë ide, por duhet ta shikosh herë pas here çfarë ka postuar në emër tënd.
Mundohu t’i korigjosh vazhdimisht komentuesit se ata ta shkruajnë emrin Kaqi. Mbaj mend tek protesta e fundit që sa të panë, filluan të brohorasin “Ka qi”, “Ka qi”…dhe ti përsëri me sinqeritet u thoshje, “jo mo burrë s’kam bërë gjë që kur isha Ministër Finance.”!
