Pas ditës së tretë të protestave, Bilushi i Metës vendosi të bëjë publik një ultimatim drejtuar Ardi Veliut, në emër të LSI:
“Ultimatum: Drejtuar Ardi Veliut!
Sot u bën tre ditë që njerëzit tanë po rraskapiten dhe lodhen nëpër rrugë, ndërsa ju po rrini duarkyq.
Ne thyem Muzeun Kombëtar, Bibliotekën Kombëtare, pemët e vitit të ri, shkulëm gjithë semaforët e qytetit, dogjëm kazanat e plehrave, dhe përsëri ju rrini duarkryq.
Ne po paguajmë qindra mijëra adoleshentë, të dalin mes të ftohtit në protestë, disave duke u dhënë lekë, e disave duke u premtuar celularë, ndërsa ju jeni zhytur në rehatinë tuaj mikroborgjeze, duke mos bërë asgjë.
Ne po rrezikojmë shëndetin tonë, duke dalë nëpër kafene, që të instruktojmë të rinjtë dhe i ndjekim më pas në protestë, kurse ju rrini duarkyq.
Ne po luftojmë me mjete rrethanore, po shkulim gurë nga bulevardi për të qëlluar, po thyejmë selinë e PS nga Shkodra në Tiranë, e ju nuk reagoni.
Kush u jep ju të drejtë të mos veproni?
Çfarë fshihet pas kësaj heshtjes tuaj?
Pse nuk qëlloni mbi turmën, të zbatoni rregulloren e gardhit, siç ka pas thënë zoti Berisha, po kalove perimetrin e sigurisë së Kryeministrisë?
Ku e gjeni ju të drejtën të mos vrisni asnjë protestues dhe të në lini ne pa kauzë rrugëve të Tiranës?
Kjo që ju po bëni është papërgjegjësi e madhe për të cilën do ndëshkoheni rëndë.
Po të japim ultimatum deri nesër, ditën e dielë: Nëse ti as sot nuk vret njeri, nëse ti as sot, nuk përdor armët, ne nesër do djegim Tiranën dhe do ta vrasim me dorën tonë një demonstrues, që të të djegim dhe ty.
Kështu nuk durohet më.
Ju jeni provokatorë, që me heshtjen tuaj doni t’i vini zjarrin Shqipërisë.
Por do ta paguani shtrenjtë.
Ilir Meta!”
