Pas humbjes 2 me 0 me Anglinë, Bilushi i Metës ju përgjigj kritikave të sportdashësve të cilët fajësojnë Bashën, si ters i kësaj ndeshjeje.
Meqë Armand Duka kërkoi ta përdorë ndeshjen për të promovuar nr 9 që është numuri i PD në fletën e votimit, duke i dhuruar gjoja në emër të futbollistëve një bluzë të Kombëtares me nr 9, pas ndeshjes ai u distancua nga dhurimi i bluzës.
Humbja shkaktoi panik së pari tek vetë Duka, pasi në përpjekje për t’i bërë nder PD-së, e paraqiti atë si parti ters për ndeshjen. Ai u distancua nga fanella e Bashës duke deklaruar se atë ja ka dhënë Andi Lila dhe jo ekipi kombëtar.
“Ai ka shku e ka ble me lekë në dyqanin e Kombëtares” dhe në fushatë elektorale kjo është si të blesh votat, tha Duka.
Pas kësaj Duka madje ka shtuar se Lila nuk e ka merituar të jetë deputet se qenka ters.
Po ashtu ters është dhe fotoja e Bashës me dy gishta lart i veshur me bluzën e ekipit kombëtar. Edhe pse të gjithë e dinë që dy gishtat lart janë simbol i PD, shumë njerëz e kanë marrë si paralajmërim për dy golat që do hanin nga Anglia.
Duke u përballur me këto kritika, Bilushi i Metës bëri një deklaratë për shtypin.
“Të dashur miq!
Lulzim Basha nuk ka asnjë përgjegjësi për humbjen e ekipit kombëtar. Përgjegjësia është e ekipit kombëtar që lejon të veshë ai bluzën e tij para ndeshjes. Akoma më keq që i jep bluzën me nr 9 ndërkohë që kapiteni zakonisht mban 10. Kjo tregon që vetë Basha nuk është i bindur që është kapiten i ekipit të tij, si do jetë kapiten që të frymëzojë kombëtaren.
Zakonisht nxitëset e futbollistëve janë femra dhe ata duhet t’ia kishin dhënë bluzën Monikës. Pastaj të shikonin anglezët, fitonin dot apo jo. Minimumi ja kishim prerë këmbën atij që guxonte të bënte gol në portën tonë”.
