Pas shumë debatesh në opinion rreth manovrave që do bëjnë me listat e përbashkëta, partitë e koalicionit opozitar, Bilushii Metës dha disa sqarime:
“Versioni i parë është të dalim të gjithë me një listë, por kjo është pak e vështirë, pasi Luli ka premtuar vende në lista më shumë se sa ka vende, dhe për aleatët nuk mbeten vende.
Nga ana tjetër aleatët kanë propozuar aq shumë vende në lista, sa për PD nuk mbeten vende.
Kështu që do ndahemi në dy lista.
Tek versioni me dy lista, do bëjmë disa manovra.
Njerëzit e LSI do futen në listat e PD, kurse këta që do jenë në listat e LSI, do të jenë njerëz kot, që të kuptohet që nuk do të votohen.
Në ndonjë rast, si në Gjirokastër, që duhet të votojnë LSI, PD do vërë në krye të listës Tritanin dhe pas kësaj, s’ka nevojë për kode, se votojnë të gjithë LSI-në.
Këtu rreziku është se mos na ndodh si herën e pare, që futëm njerëz kot në lista dhe pastaj ata u bën deputetë kur ikëm nga Parlamenti.
Pra duhet shumë siguri që ata që i vëmë kot, të mos u japim shanse të bëhen deputetë.
Për të mos u ngatërruar njerëzit, do krijojmë disa kode parrullash, që ta kuptojnë për kë duhet të votojnë.
Kur është fjala që duhet të votohet lista e PD, Mona në takim me gratë e LSI do thotë: Të dashura gra, jepjani Lulit, se mua s’ka ç’më duhet.
Kur duhet të votohet lista e LSI, Luli në takim me intektualët e rinj të PD, do të thotë: Të dashur miq, jepjani Monikës këtë radhë, se unë kam plot në Holandë.
Kështu përmes këtyre kodeve do merret vesh se për kë listë do votohet.
Besoj se kodet janë mbreslënëse dhe njerëzit nuk do ngatërrohen”.
