Pas shoqërimit në polici të Kaçit të Bardhë, Bilushi i Metës doli me një komunikatë për shtyp për gazetarët ku tregon arsyet dhe prapaskenat e ndalimit të tij.
Të dashur gazetarë!
Shoqërimi në polici i “Kaçit të Bardhë”, është një përpjekje për të goditur dhe izoluar Presidentin e vendit Ilir Meta.
Ai u shoqërua dy ditë pasi shetiti nga Liqeni, bashkë me presidentin Meta pa maskë. Pas kësaj Edi Rama dha urdhër që ai të arrestohet.
Policia e ndali atë në rrugë dhe i kërkoi maskën. “Kaçi i Bardhë” refuzo t’ua tregojë.
Atëhere ata i thanë do vijsh me ne në komisariat.
Në komisariat e shpëtoi një polic i PD.
-Eu,- tha,- më erdhe prap në dorë o “Kaçi i Zi”.
-Nuk jam “Kaçi i Zi”,- i tha ky, jam Kaç Ismali.
-Po or taj të njof që je Kaç Islami se të kam shoqëru në polici në Maj të ’96. Jam ai polici që të kam marr zvarrë tek Rruga “Kavajës” e të kam çu në polici se shajshe Doktorin, thojshe do ti thyejmë kafkën. Rrugës të binim me shkelma e shpulla duke të thënë “Kaçi i zi”, “Kaçi i zi”.
-E atëhere kishit të drejtë,- tha Kaçi. Nuk arrija te kuptoja vizionin e Doktorit si duhet. Tani i jap të drejtë për atë që ka bërë. Kemi dhe ne gabimet tona. Por kjo që po bën Edi Rama që na detyron të vëmë maskë, është kriminale. Doktori nuk do ta bënte kurrë.
-Po or ti shok ke të drejt, po ça me i ba ligjit se thotë duhet me të dënue po nuk e vure maskën. Po nuk e ke dënohesh dhe më keq.
-Ti e di, në dorë tënde jam tani. Qenke dhe i partisë sonë,- i tha “Kaçi i Bardhë”.
Ndërkohë në zyrë hyri një policë tjetër i cili sa e pa thirri: -Ou paskeni ndal “Kaçin e Bardhë”.
-Jo or taj, ktij i thonë “Kaçi i Zi”.
-Eh “Kaçi i Zi” i kan pas thënë në kohën e parë, tani quhet “Kaçi i Bardhë”.
-Po mirë, u zgjidh puna, -tha polici. Do themi e kishte maskën. Nga “Kaçi i Zi” tani duket “Kaçi i Bardhë” dmth mban maskë dhe duket i bardhë. Me këtë argument po të lëshoj.
-Faleminderit,- i tha Kaçi.
Pas kësaj doli i lirë, falë vullnetit të policit të PD dhe inteligjencës së tij.
Por kjo nuk e lehtëson krimin e Edi Ramës që kërkon të izolojë dhe trembë Ilir Metën. Tani pritet dhe arrestimi dhe shoqërimi i Bahri Shaqirit dhe atyre që bëjnë xhiro nga mëngjesi me të.
Por ne nuk do nënshtrohemi. Sot u bëj me dije se çdo mëngjes Presidenti dhe “Kaçi i Bardhë” do dalin bashkë xhiro nga liqeni pa maskë. Po ka këllqe Edi Rama le t’i arrestojë.
