Situata e ndezur politike, ka bërë që shumë prenotime nga turistë të huajt të anulohen, nga ana tjetër kryetari i Partisë Demokratike, Lulzim Basha, në mbyllje të protestës së 2 qershorit 2019, u shpreh se ky ishte paralajmërimi i fundit për kryeministrin Edi Rama dhe tashmë do të jenë qytetarët ata që flasin.
Ky paralajmërim dhe situata në përgjithësi, si duket ka shtyrë një grup biznesesh Kosovaro-Bavareze në Gjermani, që të reagojnë me anë të një letre ndaj kryeopozitarit Lulzim Basha.
Në letrën e tyre thuhet ndër të tjera, “Protestat jane mjeti me demokratik gje qe praktikohen edhe ne ne gjermani, mirpo nese ato janë paqesore. Protesten e sotit ngjante me shume ne Farkistet ultra socialist me fytyra mbeshtjellur.
Keso lloj protestash nuk i takojnë familjeve të partive popullore evropiane.
Jemi duke vezhguar situatën edhe me miq gjerman dhe parlamentar Evropian. Nuk duam që populli shqipetare te riperjetoj vitet e 97, sepse kjo politike është vetëizoluese dhe nuk e meriton Shqiperia.”
Sipas tyre, “Trimëri në paqe është forcimi edhe degjimi i miqëve dhe aleateve që mbeshteten Shqiperine në rrugen evropiane”.
Po ashtu ata i bëjnë thirrje edhe Kryeministrit Edi Rama, që të ulet me opozitën dhe të gjejë një zgjidhje për daljen nga kriza.
LETRA E PLOTË
I nderuar Zt. Lulezim Basha,
Kur shteti rrezikohet duhet të veprojmë menqurisht te gjithë, ndërsa ju si opozitarë keni edhe obligim jo vetem ligjor por edhe moral të ndikoni pozitivisht qe Shqipëria te fitoj ne Imazh.
Ne, bizneset bavareze të mbledhur rreth fondacionit Besa kërkojmë nga ju që në mynyre imediate të ndikoni tek simpatizantet e juaj te cilët nuk janë te pakët, të angazhoheni ne frymen e partive popullore Evropiane, familjes se cilës I takon edhe Partia Demokratike.
Disa nga bizneset tona punojmë me vite te tëra sukeseseshem ne dikasterin e turizmit dhe Hotelerise prandaj kemi arsye te forte të ju shkruajmë këtë Letër.
Disa klient, te cilët më shume angazhim jane bindur që të vizitohet shqipëria, pasi kanë prenotuar plazhin e dhermiut, kanë kërkuar të tërhiqen keto prenotime, po deshët do te ju argumentojme edhe me dokumente.
Protestat jane mjeti me demokratik gje qe praktikohen edhe ne ne gjermani, mirpo nese ato janë paqesore. Protesten e sotit ngjante me shume ne Farkistet ultra socialist me fytyra mbeshtjellur.
Keso lloj protestash nuk i takojnë familjeve të partive popullore evropiane.
Jemi duke vezhguar situatën edhe me miq gjerman dhe parlamentar Evropian. Nuk duam që populli shqipetare te riperjetoj vitet e 97, sepse kjo politike është vetëizoluese dhe nuk e meriton Shqiperia.
Shumica e ne Biznesmenesve u takojme Partive qe bejne pjese ne Partite Popullore Evropiane dhe realisht jemi një familje me PD, prandaj si kolege me të njejtin drejtim politik ju drejtohemi shume miqesisht.
Njerëzit me fytyra të fshehura që gjuajn fischekzjarre nuk mund ti takojnë familjes se Partive konzervatore.
Trimëri në paqe është forcimi edhe degjimi i miqëve dhe aleateve që mbeshteten Shqiperine në rrugen evropiane.
Trimëri dhe patriotizem është forcimi I ekonomisë, dhe ofrimi I nje alternative konkurruese por ne institucione siq eshte parlamenti e asesi ne Rrugë.
Populli ju ka zgjedhur qe ne Parlament te luftoni e jo ne rruge.
Keto janë rregullat e demokracise për të cilen u sakrifikuan qindra e mijera shqipetarë, pjesë e së ciles jeni edhe ju.
Zt.
Rama gjithashtu i apelojmë që të uleni me opoziten dhe te mirreni vesh per shqiperinë evropiane, gjithqka eshte e mundur neqofte se e duani shqiperine.
Ne Diaspora nga Bavaria u jemi ne dispozicion vllazerisht te ju mbeshtesim pa kushte, vetem qe shqiperia te perparoj sepse ne nese Shqiperia eshte e forte eshte edhe Kosova.
Ne emër të bizneseve Kosovaro-Bavareze Besa foundation
Ilir Seferi
München 02.06.2019
Nënkryetar dhe zëdhënës
Protesta e djeshme e opozitës zgjati 3 orë ku pati tym dhe flakë. 10 persona u plagosën. mes tyre 7 policë, 2 punonjës të medias dhe 1 qytetar. Basha dje paralajmëroi se kjo është protesta e fundit, ku opozita kërkon largimin e qeverisë me logjikën e arsyes. Ndërkohë nga policia janë arrestuar 42 persona dhe 19 të tjerë janë shoqëruar.
