Mos harroni se deri dje pashai dhe ligjbërësi që nga Vlora e deri në Ksamil ka qenë malukati Koço Kokëdhima, horri që Edi Rama u la peshqesh 3 vjet rresht asaj zone.
Bledi Mane
I keni vënë re sa dembele i ka dallget deti në Sarandë?
Të detyruara prej forcës së tërheqjes natyrore, lenë bregun e Korfuzit dhe ashtu si maturantët ngelës që përtojnë të shkojnë në shkollë, dallgët e Jonit hezitojnë të lagin brigjet e Sarandes e të Ksamilit. Porsa i afrohet territorit tonë, uji i kalter nxihet i tëri dhe turfullon sikur të jetë yshtur nga ndonjë cunam aziatik.
Deti nuk e do më Sarandën sepse kjo e fundit e ka tradhëtuar…
Nuk ka më në botë urbanist e arkitekt ta marrë përsipër një nga qytezat unike të Mesdheut. E palluar me beton, e zgallafitur me ndertime të shëmtuara, e shpyllëzuar nga makuteria, e fekalizuar nga anarshia, e tjetërsuar nga gjeneza jonë aspak estetike, Saranda të kujton bundrat kaliforniane të Hollywoodit që jane botoksëzuar e masakruar me operacione përmanente plastike dhe tani vajtojne plot pishman. Ndryshe nga humanët Saranda e shkretë nuk rënkon dot me zë por vuan e vuan derisa flora dhe fauna ti largohen pergjithmone e nëpër të, të vozisin vetëm skeletet e ne mëkatarëve. Dhe mëkatarë nuk janë sarandiotët e shkretë dhe mikpritës, mekatarë historikë janë keta birbot e Tiranes te majte e te djathte, burra shteti me karakter prej kaçaku e prej kurve.
Florjana Koka, kryebashkiakja idealiste dhe e brishte e Sarandes sot u godit me nje tjeter kallezim penal. Vajza qe po mundohet te stabilizoje modestisht gjëmen urbanistike te qytetit te saj, sot ne menyre tinzare u mallkua per mekatet e paraardhesve dhe te ish tutoreve politike te zones se bregdetit jugor.
Nuk u besohet për çfare po shkruaj?
Mos harroni se deri dje pashai dhe ligjbërësi qe nga Vlora e deri ne Ksamil ka qenë malukati Koço Kokëdhima, horri që Edi Rama u la peshqesh 3 vjet rresht asaj zone.
Nese të duhej leje për një kioske buze detit, Koço jepte urdhër. Nese behej tenderi i mutit dhe ujerave të zeza, Koço firmoste. Nese do mbillje hashash në Sevaster, Koço ta ndante sinorin. Nese doje vend pune për djalin, Koço ta grafiste CV. Nese nuk do paguaje taksa për hotelin, Koço bente listat.
Dhe me e keqja ndodhtte kur ne gazetaret e sulmonim e tregonim me gisht allishverishet e maskarait, qeveria dhe institucionet e drejtesise e mbronin. Tani qe Koço ka perfunduar rrugeve si qen bashkie, drejtesia nuk i hyn me themele bëmave te tij por merret me viktimat e pafajshme te politikes.
Saranden dhe rrethinat e kane shkaterruar keta edepsëzët e Tiranes qe dergonte ne Sarande Nano, Meta, Berisha dhe Rama ndaj nëse keni bythë, sherojeni pakëz Saranden. Ndertimet nuk i prishni dot por arrestoni Koçon dhe gjithë kokëdhimët e tjere e do te shikoni sa do lehtësohen edhe njerëzia, edhe dallget e detit do vinë si dikur plot mall ne brigjet e atdheut tuaj, ne brigjet e atdheut tonë!
