Sali Berisha ka reaguar për vrasjen e ekstremistit grek Konstantinos Kacifau në fshatin Bularat të Gjirokastës. Ish kryeministri ka kritikuar Policinë e Shtetit duke e konsideruar si jo profesional operacionin e saj.
Pavarësisht se thirrjet për dorëzim zgjatën më shumë se 30 minuta gjatë shkëmbimit të zjarrit, Berisha mendon se efektivët duhet ta kishin nautralizuar, dorëzuar ose plagosur.
Ish kryeministri thotë se vrasja e dikujt vjen pasi janë rezauruar dy të parat. Më tej ai bën thirrje për qetësi.
“Të dashur miq, dje një banor i Bularatit, anëtar në forcat e armatosura të Greqisë ka hapur zjarr për motive ekstremiste edhe ndaj policisë. Natyrisht në çdo rast që hapet zjarr drejt policisë kësaj të fundit i lind e drejta ligjore të neutralizojë burimin e zjarrit.
Kur them të neutralizojë nënkuptoj me ketë dorëzimin e kriminelit që hap zjarr, plagosjen e tij dhe së fundi edhe asgjesimin e tij kur dy të parat janë ta pamundura.
Pavarësisht aktit të dënueshem që vuri në rrezik forcat e rendit, i shpreh ngushellime njerëzore familjes së viktimës. Duke dënuar disa reagime zyrtare të Athines por edhe të Tiranës, që duan të përdorin rastin për qellime politike. Konsideroj të nevojshme një hetim të plotë dhe transparent të kësaj ngjarje.
Me këtë rast bëj thirrje për nderprejen e histerisë primitive antishqiptare në Athinë dhe asaj antigreke në Tiranë, që nuk i sherbejnë as të vertetës dhe as bashkëpunimit mes popujve dhe vendeve tona!”, shprehet Berisha.
