Dosja e bujshme “Hajdari” duket se ka marrë një tjetër rrjedhë. Pas një kalvari zvarritjesh prej dy dekadash, dosja në fjalë është marrë në dorë nga Krimet e Rënda, teksa këtë javë brenda tre ditëve Izet Haxhia u mor në pyetje nga prokurorët shqiptarë. Por Krimet e Rënda të hënën më 7 tetor do të nisin shqyrtimin e dosjes “Hajdari”, ndërsa Haxhia akuzohet për tre akuza si dhe për vrasjen e ish-deputetit Azem Hajdari.
Kështu, me short janë përzgjedhur gjyqtarët Klodian Kurushi, Fran Prendi dhe Marsela Balili. Izet Haxhiaj përfundoi tek Krimet e Rënda, pas moskompetencës të shpallur më herët nga Gjykata Penale. Mirëpo, kjo lëvizje tregon se shumë shpejt kjo dosje do të jetë nën juridiksionin e SPAK, e cila pritet të ngrihet gjatë këtyre muajve dhe sipas ligjit, dosjet e Krimeve të Rënda kalojnë automatikisht tek Struktura e Posaçme Antikorrupsion. Ndërkohë, sa i takon kësaj çështje dje reagoi edhe avokati mbrojtës i Izet Haxhisë, Idajet Beqiri. Ky i fundit teksa ishte i ftuar në një studio televizive deklaroi se ish-kryeministri Sali Berisha do të shoqërohet “me dhunë” në Gjykatën e Krimeve të Rënda gjatë shqyrtimit të dosjes “Hajdari” nëse nuk pranon të paraqitet vullnetarisht. Beqiri theksoi se pasi të paraqitet në gjykatë, Berishës do t’i bëhen një sërë pyetjesh nga prokurorët, trupa gjykuese dhe vetë Izet Haxhia, ndërsa është në dorë të Berishës nëse do të përgjigjet apo jo. Sipas tij, në vitin 1998 plani ishte për të vrarë Berishën dhe jo Azemin. “Në Tiranë. Ajo vrasje ka qenë rastësore dhe nuk ka pasur qëllim të vrisnin Azem Hajdarin. Ata erdhën të armatosur për tjetër qëllim. 10 ditë para se të ndodhte vrasja, babai i Fatmir Haklajt dhe të tjerëve tha që ishte bërë një shkrim i rëndë në ‘RD’ shumë i rëndë për familjen e tij.
Ai erdhi për këtë erdhi, Muharrem Haklajn, Izeti e ndihmoi të takonte atë gazetar, ai i tha se shkrimin e bëri Azem Hajdari, por vendosi emrin tim dhe Muharremi shkoi e takoi. Në takimin me Azemin i ka thënë këtë dhe tjetrën që kishte dorë në vrasjen e Shkëlqimit në Tropojë. Keqkuptimi që pati Berisha me Shkëlqimin, që tha “të gjallë apo të vdekur e dua Shkëlqimin”. Muharremi i tha se dyshojmë se ke organizuar pritën, Azemi i është betuar me zakon. Muharrem Haklaj i ka të incizuara, dhe Azemi i tha se vrasjen ta ka bërë dera përballë, pra Berisha. Kjo është e regjistruar. Haklajt nuk kishin punë me Azemin, por atë e nxorën në atë ngjarje”, deklaroi Beqiri.
