Myslym Murrizi do të mbështesë në zgjedhjet lokale çdo opozitar që do të garojë për kryetar bashkie. Kështu u shpreh deputeti i grupit parlamentar “Demokrat” në emisionin “I Ftuari”.
Kë të mundem do ta mbështes të marrë një mandat për kryetar bashkie kudo të jetë. Të kesh fituar Mallakastrën, Pogradecin apo bashki të tjera dhe tashmë t’i thuash të mos futen në zgjedhje, nuk e di. PD ka 15 bashki.
Çfarë do t’i thonë ata votuesve të tyre. Kryetari i Kavajës vetëm 2 vite ka në krye të bashkisë, çfarë do t’i thotë ai qytetarëve?!”, u shpreh Murrizi.
I pyetur se çfarë do të ndodhë nëse opozita nuk do të ketë kandidatë në zgjedhjet e 30 qershorit dhe a mund të quhen të dështuara këto zgjedhje duke qenë se rrezikojnë për një pjesëmarrje të ulët, Murrizi u shpreh se vjedhjet ndodhin edhe me komisionerë. “Imagjino çfarë do të ndodhë pa pjesëmarrjen e komisionerëve.
Askush nuk e merr vesh se kalohet apo jo pragu”.
Teksa komentoi aksionin e opozitës, ai tha se duhej të ishte “luftuar” në disa fronte. “Opozita duhet të kishte edhe luftë në parlament edhe protesta, në të gjitha frontet. Duhet të kishte shpallur që në janar kandidatët për zgjedhjet e 30 qershorit, pasi edhe ata do të kishin nga pas njerëzit e tyre”.
