Anëtari i Këshillit Kombëtar të Foltores Eno Bozdo i konsideroi zgjedhjet për kreun e selisë blu si më demokratiket të zhvilluara ndonjëherë në këtë parti.
Demokratët kanë votuar në shumicë absolute dhe kanë zgjedhur kryetarin e ri të PD. Kanë qenë zgjedhjet më demokratike të organizuara ndonjëherë në të gjitha nivelet drejtuese të PD. Është thelbësore një opozitë e fortë siç e thotë McAllister, sepse ajo që i ka munguar Shqipërisë gjatë viteve të fundit është një opozitë e fortë, me kauzat e duhura, që të fitojë besimin e qytetarëve.
Me zgjedhjet jemi gtati për sezonin e ri opozitar për të kërkuar aleancë me shqiptarët, për të realizuar atë që të gjithë presin, rotacionin. PD po merr formë dhe do të jetë shumë shpejt e gatshme të mobilizojë shqiptarët në luftë kundër kësaj mazhorance”.
I pyetur se si do të bëhet bashkimi në PD, ndërkohë që kemi dy grupime, Bozdo thotë:
E mira do ishte që këta deputetë t’i bashkoheshin PD-së. Nga ana jonë janë bërë të gjitha përpjekjet. Do vazhdojnë të bëhen të gjitha përpjekjet që deputetët t’i bashkohen PD-së. Por kur flitet për bashkim të PD-së është së pari struktura dhe baza e saj. Ka ende punë për të bërë. Deputetët duhet t’i shkojnë partisë që i bëri deputet, apo të mbajnë këtë lloj distance. Jo për faj të PD-së individë të caktuar kanë zgjedhur qëndrime të ndryshme, kanë interesa të ndryshme. Ajo çfarë mund të mbajmë është të mbajmë dorën shtrirë”.
Duke folur mbi vendimin e fundit të gjykatës në favor të Alibeajt dhe pritshmëritë nga Apeli, Bozdo shpehet:
Gjyqtarja ka dhënë vendime në kushte presioni ekstremal. Presioni mbi drejtësinë është shumë i madh dhe synon të krijojë imazhin e një PD-je të përçarë. Ata që e stimulojnë, do përballen në mos sot nesër me demokratët. PD s’mund të vidhet në tavolinë. Për mua s’ka pikë vlere se çfarë vendos gjykata. Rama dhe mazhoranca është investuar penalisht për të parë një PD të përçarë”.
Eno Bozdo mendon se Rama po përpiqet të nxisë diversion në PD, dhe në raundin e pestë do të zgjedhë Presidentin që ai ka në mendje.
Ka për t’u djegur edhe raundi i tretë, ndoshta edhe i katërti, dhe në raundin e pestë Rama do miratojë atë individë që ka pasur në mendje. Nëse procesin Rama e nis në mënyrë aspak serioze dhe tenton të nxisë diversion, duke ftuar Alibeajn që të ndihet i përkëdhelur. E kuptoi me vonesë, që ishte i tallur. Ka për të përfunduar me emrin që Rama ka ndërmend. Ne kemi në dorë të mos bëhemi farsë, batanije e një procesi që do rezultojë me uzurpimin e një pozicioni që i ka bërë oponencë mazhorancës”.
