Eurodeputetja Doris Pack ka “bekuar” kapërcimin në opozitë të PDIU-së. Tashmë pa asnjë rol, ajo bëhet e gjallë sa herë ka ndonjë ngërç opozitar duke ofruar komentet e saj.
Këtë herë, Pack thotë se Lulzim Basha, Shpëtim Idrizi dhe Albana Vokshi po bëjnë më të mirën për çështjen “Çame” dhe se ka besim vetëm te ata. Teksa shoqata “Çamëria” i dha titullin e mirënjohjes, ajo tha se po ndjek punën që nga viti 2006.
Mbase Pack këtë herë ka gjetur “donator” të ri dhe të pakursyer në këto ditë të vështira ku edhe ata pak përkrahës dënojnë vendimin për të bashkëpunuar në të njëjtën karrige me kreun e PBDNJ-së Vangjel Dule.
“Shtëpia juaj është shumë larg. Dhe minimumi është që ju të shkoni mbrapsh të shtëpitë tuaja dhe të merrni mbrapsh atë çfarë ka ngelur.
Sot është 5 maji është dita e dëshmorëve, por askush nuk foli sa i përket çështjes çame. Duhet të mendojmë së bashku si të arrijmë gjërat. Janë situata të ndryshme por që thelbin e ka të njëjtë.
Që nga 2006 e kam ndjekur vazhdimisht se çfarë Shoqata ka bërë. Gjerat janë përmisrësuar por asnjë palë e politikës nuk e ka marrë seriozisht çështjen çame.
Jam shumë afër me zonjën Albana Vokshi. Politikanët përgjithësisht premtojnë shumë, por zakonisht nuk i mbajnë, sepse politkane jam dhe vete.
Por jam e sigurt që Albana, dhe Basha dhe të tjerë që janë në dijeni për çështjen çame dhe do bëjnë në mënyrë ligjore më të mirën për këtë çështje. E vë dhe veten time në këtë vlerësim. Ndihem shumë krenare për këtë vlerësim. Ju falenderoj”, tha Pack.
