Çim Peka, që gjatë fushatës zgjedhore pretendoi të paguhej për të transmetuar spotet e Belind Këlliçit, tani duket se e ka shkëmbyer favorin duke i dhuruar Belos ndonjë qime më shumë përmes reklamës së klinikës së mbjelljes së flokëve.
Mes shumë mistereve që mbështjellin origjinën e fondeve që i lejojnë Belind Këlliçit të bëjë një jetë të rehatshme dhe një fushatë super të shtrenjtë zgjedhore për Tiranën, të paktën një dyshim ndoshta është i sqaruar: Se kush ja ka paguar mbjelljen e flokëve, për të cilat është folur shumë javët e fundit.
Krahasimi i fotove mes Belos së sotëm dhe Belos së dy viteve më parë nuk lejon vend për dyshime. Belo ka mbjellë flokët. Një gjest vaniteti që në të vërtetë fsheh një rivalitet politik me Flamur Nokën dhe Klevis Balliun që tani kanë mbetur me më pak flokë se ai. Po pyetja ishte: Kush ja ka paguar?
Një përgjigje e mundshme mbërriti pak mbrëmje më parë, kur Çim Peka transmetoi intervistën e Arben Ahmetajt (furnizuesi kryesor i lajmeve për Belon) dhe mes reklamave të tele-Berishës binte në sy pikërisht një klinikë për mbjelljen e flokëve. Çim Peka, që gjatë fushatës zgjedhore pretendoi të paguhej për të transmetuar spotet e Belind Këlliçit, tani duket se e ka shkëmbyer favorin duke i dhuruar Belos ndonjë qime më shumë përmes reklamës së klinikës së mbjelljes së flokëve.
Syri, Belo, Muli dhe Saliu jetojnë duke iu vënë gjoba biznesmenëve që nuk sulmohen nga opozita vetëm po të paguajnë, ndaj, nuk është për t’u habitur që edhe mbjelljen e flokëve PD e financon me klering.
