Priten ndryshime në rregulloren e Kuvendit të cilat do të shoqërohen me masa të rrepta ndëshkimore.
Partia socialiste ka krijur një grup të posaçëm pune përmes të cilit pritet të propozohen sanksione të forta në rregulloren e Kuvendit të Shqipërisë për deputetët që do të përdorin shunë apo fjalë të rënda në parlament.
Ky vendim u mor në mbledhjen e grupit parlamentar socialist, që u drejtua nga kryetari i Partisë Socialiste Edi Rama.
Grupi ngrihet pas incidentit të enjten e shkuar në seancë plenare, kur deputeti i PD-së Edi Paloka sulmoi me një shiringë me bojë kryeministrin Edi Rama.
Vetë socialistët përmes kryetarit të grupit Taulant Balla thanë se do të kërkonin përjashtimin e Palokës nga funksioni i nënkryetarit të Kuvendit, që ai ka.
Por sot në mbledhje grupi u mor vendimi për të ndryshuar rregulloren e Kuvendit dhe për të vënë penalitete të forta në raste të dhunës dhe incidenteve brenda sallës së Parlamentit.
Gupi i punës do të drejtohet nga kryetari i Komisionit të Ligjeve Ulsi Manja dhe ministrja e Drejtësisë Etilda Gjonaj.
