Antiterrori në Itali ka shpërbërë një rrjet neo-nazist të quajtur “Ujku”, të cilët kishin planifikuar edhe sulme ndaj kryeministres Giorgia Meloni.
Baza e rrjetit ishte në Bolonja, por arrestime janë kryer thuajse në të gjithë Italinë. Deri më tani 12 persona kanë përfunduar në pranga, pasi konsiderohen se i përkasin grupit supremacist dhe neo-nazist të quajtur “Werwolf Division”.
Ata akuzohen për veprime me qëllime terroriste, propagandë dhe nxitje të krimit për arsye racore, diskriminim etnik dhe fetar, por edhe posedim të armëve të zjarrit.
Në kuadër të operacionit që koordinohet nga Drejtoria Kombëtare e Antimafias dhe Antiterrorizmit, janë duke u kryer edhe 13 kontrolle të tjera në disa shtëpi. Janë gjithsej 25 të dyshuar, të moshës nga 19 deri në 76 vjeç dhe disa prej të cilëve tashmë i janë nënshtruar kontrolleve.
Grupi përkufizohet nga hetuesit, në një shënim, si një “qelizë e vërtetë e organizuar, tashmë në fazën operacionale dhe e aftë për të kryer sulme edhe me teknikat e përdorura nga të ashtuquajturit “ujqër të vetmuar”. Hetimet kanë treguar se celula neonaziste kishte përgatitur “sulmeve të rënda” ndaj Melonit dhe të një ekonomisti nga Forumi Ekonomik Botëror.
Nga sa kuptojmë, të dyshuarit kanë folur për këtë në disa biseda të përgjuara. Gjithashtu, akuzohen për veprimtari propagandistike, prozelitizëm dhe përgatitje të veprimeve të dhunshme, si spastrimi i tradhtarëve të lëvizjes.
Grupi neo-nazist dhe supremacist zhvillonte aktivitetin e propagandës dhe rekrutimit të burrave dhe grave të reja gati për revolucion përmes grupeve në Telegram të quajtura «Werwolf Division Discussions» dhe «New Dawn Movement» (kjo e fundit edhe më e kufizuar dhe e lindur në një moment të dytë me synimin për të fshehur projektet më të dhunshme dhe gjithashtu i dobishëm për formimin e ‘luftëtarëve’).
Është provuar se ata zhvillonin takime live ashtu edhe shpërndanin fletëpalosje të realizuara në zonën e Bolonjës.
Hetimi nisi në nga fletushka që autoritetet i gjetën në vitin 2022 të shpërndara në të gjithë territorin Emilian, të përcaktuar nga militantët si “eksploziv”, që përshkruanin imazhin e një njeriu me të ashtuquajturën “maskë kafke” dhe të armatosur me simbolin nazist të diellit të zi dhe citimin e ekstremistit të djathtë francez Dominique Venner: “Asgjë nuk do të arrihet derisa farat e regjimit liberal të çrrënjoset deri në rrënjë”.
Organizata “Ujku” ishte një organizatë rezistence e themeluar dhe drejtuar nga Schutzstaffel gjatë muajve të fundit të Luftës së Dytë Botërore, për të kryer akte sabotazhi dhe luftë guerile kundër aleatëve.
Organizimi i këtyre njësive iu besua Komandantit të Përgjithshëm të SS Himmler, i cili e vendosi atë nën komandën e SS-Obergruppenführer, Adolf Prutzmann dhe SS-Brigadeführer, Karl Pfaumer
