Ambasadorja amerikanë në Tiranë, është takuar këtë të premte në mënyrë të papritur me Ilir Metën në zyrën e këtij të fundit.
Takimi fillimisht u njoftua nga vetë Ilir Meta.
Ndërsa Ambasada amerikane ka reaguar me një deklaratë më vonë, për këtë takim.
Ambasadorja e Shteteve të Bashkuara Yuri Kim u takua sot me Kryetarin e Partisë së Lirisë, si pjesë e takimeve të saj të vazhdueshme me udhëheqës politikë shqiptarë.
Ajo përsëriti nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin dhe çon përpara negociatat e Shqipërisë për anëtarësim të plotë në BE”, thuhet në deklaratën e Ambasadës amerikane.
Kujtojmë që Ilir Meta është përplasur publikisht me ambasadoren Yuri Kim, duke deklaruar madje se ishte gati që amerikanët ta vrisnin tek “Mali me Gropa”.
Por së fundmi, marrëdhënia e tyre me sa duket është qetësuar, pasi janë takuar disa herë publikisht, çka me siguri ka trazuar një njeri në Tiranë, Sali Berishën, pasi aleati i tij Ilir Meta duket se po luan me dy porta.
