Ikona e ekranit të madh, tani legjendar në mishërimin modern të agjentit 007, Daniel Craig feston sot 50 vjetorin.
Aktori do të jetë sërish, për të katërtën herë nën petkun e James Bond, simbol i burrit të fortë të ekranit të madh. Ndryshe nga miti i Sean Connery, Craig ka ditur ti përmbahet kompleksit psikologjik të personazhit të Fleming, i cili u bë një seks simbol, me stilin e tij të matur dhe pothuajse ‘amerikan’.
I lindur në Chester, në Britaninë e madhe, në 2 mars 1968, Daniel Craig është diplomuar në Guildhall School of Music and Drama të Londrës, në 1990. Ai fillon karrierën e tij kinematografike në 1992 me një rol të vogël në ‘La forza del singolo’ e John Avildsen.
Më pas merr pjesë në ‘Elizabeth’, me Cate Blanchett në 1998 dhe “Love is the Devil” një vit më pas. Në televizion ai vjen me një vepër të Steven Spielberg me një rol në “Aventurat e të riut indian, më pas me “Munich” në 2005, ndërsa është në kastin e ‘Lara Croft’ në 2001 dhe ‘Ishte babai im’ në 2002.
Gjithmonë i kujdesshëm me pamjet e tij, Craig ka luajtur role shumë të ndryshme në të njëjtën periudhë si ‘Busulla e artë’ me Nicole Kidman, apo ‘Cowboys & Alien’ së bashku me Harrison Ford dhe në versionin amerikan të David Fincher ‘Millennium’.
Pas ‘Spectre’ në 2015 Daniel tha se s’do të luante më nën petkun e 007. Por ndoshta tërheqja me personazhin, apo ndoshta propozimi i majmë prej 150 milion dollarë bëri që në 2019 ai të kthehet për serinë e 25 të filmit më të gjatë në ekranin e madh.
Ndër të tjera ai jeton mes Londrës dhe New York-ut me të dashurën e tij të re që prej 2011, artisten Rachel Weisz dhe në 2018 do ta shohim vetëm në televizion në seritë e “Purity”, të inspiruara nga romani i Jonathan Franzen./BalkanWeb
