Dashnor Sula i bëri thirrje kreut të PD Sali Berisha që të dorëhiqet pas humbjes në zgjedhjet e 11 majit.
“Berisha për mua ka qenë babai shpirtëror i imi. Dhe nuk kam turp ta them mo vlla. E kam deklaruar në këtë studio, se nëse Berisha e mund Edi Ramën unë do ti ulem në gjunjë, do t’i puth këmbët. Pikë!
Ama nuk i fitoi zgjedhjet sepse i premtoi demokratëve, dhe mua, dhe gjithë të tjerëve se do ta rrëzojmë, zhbëjmë Edi Ramën. Zotëri jep dorëheqjen të vij burri tjetër, kush ka këllqe ta mbaj këtë post. Edhe ai tjetri ta kuptojë vetë. Dhe jo si ai tjetri që s’mbushi asnjëherë pantallonat. Ai që thotë ‘o Rameee’, që s’i bën as 700 vota”, deklaroi Sula në A2 CNN.
Në vijim, Sula, i cili mbeti jashtë listave të PD, u tregua i ashpër me lidershipin e kësaj force politike, duke thënë se kanë humbur kontaktin me elektoratin. Sipas tij PD duhet të shkëputen nga kjo mendësi, të cilën e quajti komuniste.
“Këta janë shkëputur nga realiteti, janë njerëz që nuk e dinë. Këta flenë gjumë dhe dalin në mëngjes e mendojnë se do kenë jetë politike të pavdekshme. Dhe duhet ta kuptosh që kur s’të do i joti, s’të do demokrati, s’të do familja jote, lagjja jote. Mos prittë të dojë komshiu, lagjja, fshati apo qyteti.
S’kam asgjë personale dhe do t’ia them dhe doktorit. ‘Doktor, sa kohë nuk do ndryshojë mentaliteti komunist brenda forcës tonë politike, që të vlerësohet ai që ka meritokraci, ai që votohet në mënyrë të drejtë nga anëtarësia, kjo punë nuk do të zgjidhet, Nuk e kam për veten time, e kam për parimin. Parimin se anëtari zgjedh, jo kryetari.
Si mund ta zhbësh parimin ti, që kryetari vendos kur anëtari zgjedh. Dhe erdhi dita kur kryetari tha s’më pëlqen fytyra e shëmtuar e Dash Sulës, por dua një fytyrë të bukur si Albana Vokshi”, deklaroi Sula.
