Deputeti demokrat Endri Hasa, gjatë sulmit ndaj kryeministrit Edi Rama, ju drejtua duke i thënë: “Vezën e ke nga studentët”.
Por kush ja dha miratimin ligjvënësit të djathtë të flasë në emër të të rinjve dhe aq më tepër të ndërmerrte një akt të tillë duke nëvizuar se e bën për ta?
Protestat studentore përshkruhen si të paqta ku vlen të përmendet fakti se pas çdo tubimi janë mbledhur mbeturinat dhe janë përjashtuar të gjithë ata që kanë ndërmarrë veprime të dhunshme.
Ndërkohë, tentativat për politizimin e saj nuk janë përshëndetur nga të rinjtë duke ndaluar prezencën e politikanëve në perimetrin ku organizonin protestën.
Pyetja është, po ligjvënësit në fjalë kush ja dha të drejtën për të qenë përfaqësues i zërit të studentëve kur ata kanë grisur flamujt partiak duke kërkuar që as liderit e opozitës të mos i bashkohen protestës?
Veprimi i tij “guerils”, jo vetëm që është një akt i dënueshëm, por edhe i rënë ndesh me parimet studentore. Duke tentuar të marrë detyrën e protagonistit, e bën atë edhe më qesharak pasi kërkon kreditet që i takojnë vetëm të rinjve.
