Deputetja Senida Mesi,ka qenë një nga pjesëmarrëset e dialogut virtual me kancelaren gjermane Angela Merkel dhe kreun e Komisionit Europian, Ursula von der Leyen.
Në një postim të saj, Mesi ka treguar mesazhin që ka marrë nga dy gratë e rëndësishme të BE-së edhe në lidhje me negociatat e Shqipërisë.
Postimi i Mesit:
Pata kënaqësinë e marrjes pjesë, si nënkryetare e Komisionit të Integrimit Europian në Kuvendin e Shqipërisë, në Konferencën virtuale 2 ditore të Komisioneve Parlamentare për Çështjet e Unionit të Parlamenteve të Bashkimit Evropian (COSAC), organizuar nga Bundestag Gjermani në bashkëpunim me Bundesrat.
Shqipëria mori vlerësim për reformat e bëra deri tani, edhe pse kërkohet avancim i mëtejshëm i tyre për të realizuar Konferencën e Parë Ndërqeveritare.
Konferenca u fokusua tek mësimet e marra nga kriza e koronavirusit dhe bashkëpunimi në BE në rast të pandemive dhe në kujdesin shëndetësor.
Kancelarja Merkel adresoj Konferecën për të bërë një vlerësim të arritjeve gjatë Presidencës së Këshillit të Gjermanisë. Ajo vlerësoj Presidencën e Gjermanisë të Këshillit të BE-së, për arritjet ( si programin e rimëkëmbjes së BE-së për Gjeneratën e Tjetër dhe në Kuadrin Financiar Shumëvjeçar (MFF) 2021-2027, qasjen e përgjithshme ndaj paketës së reformës për politikën e përbashkët bujqësore pas vitit 2020 (CAP), diskutimet mbi synimin e zvogëlimit të emetimeve CO2 dhe disbursimin e fondeve për “shtetin e së drejtës”
Presidentja e Komisionit Evropian, Ursula von der Leyen foli për “Të ardhmen e Bashkimit Evropian”.
Ajo theksoj se e ardhmja është e rinisë, digjitalizimit, industrisë dhe se duhet të guxojmë për zgjidhje inovative dhe që i japin vlera brezave në vazhdim, ajo nxiti për më shumë solidaritet dhe bashkëpunim.
