Zëri Amerikës në një intervistë sot me kryetaren e Lëvizjes Socialiste për Integrim Monika Kryemadhi, tha se kishte informacione që Petrit Vasilit, ish-deputetit të LSI-së i është refuzuar viza amerikane, një fakt që as u pohua dhe as u mohua nga Kryemadhi. Por viza e fundit që Petrit Vasili ka marrë është më qershor 2018, për një afat 3 mujor, kur ishte deputet, dhe nuk dihet nëse refuzimi, sipas informacioneve të VOA-s, të ketë ardhur pas kësaj periudhe.
Në një analizim të të dhënave në vizën amerikane të ish-deputetit ë LSI-së, Petrit Vasili, siguruar nga Shqiptarja.com, mësohen detaje për natyrën e vizitës së tij në Shtetet e Bashkuara.
Përmes 6 pikave (1-6) të inkuadruar me të kuqe në foton e vizës kuptojmë arsyen e vizitës, afatin e qëndrimit, datën e skadimit, vendin e hyrjes dhe të dhëna të tjera.
Përkatësisht pika nr. 1, hyrjet e lejuara me këtë vizë; është vetëm 1 dhe jo M për Multiple (Disa herë) pra zoti Vasili me këtë vizë është futur vetëm njëherë në Shtetet e Bashkuara dhe me këtë vizë nëse del nuk mund të futet sërish edhe brenda afatit të kohëzgjatjes së saj.
2. Data e lëshimit të vizës nga Ambasada e SHBA në Tiranë, më 14 qershor 2018 për një afat 3 mujor.
3. Data e skadimit të vizës, 13 shtator 2018.
4. Lloji i vizës, A2, vizë që ju jepet ose kërkohet për diplomatët, zyrtarët e huaj të shteteve dhe stafi i tyre.
5. Shënimet, TDY- që është shkurtimi për Temporary Duty, detyrë të përkohshme si anëtarë i parlamentit shqiptar në një udhëtim zyrtar në SHBA, afati maksimal i qëndrimit 90 ditë.
6. Vula e pranimit nga agjentet kufitar në Shtetet e Bashkuara. Përkatësisht Petrit Vasili ka vajtur vjet në 24 qershor në Ëashingon DC, 10 ditë pas marrjes së vizës.
