Këtë kureshtjen e pashëndetshme të disa njerëzve lidhur me diferencën e moshës së një çifti, vërtet nuk e kam kuptuar…
Sidomos, në Shqipëri, gjëja e parë që të pyesin, kur të shikojnë të shoqëruar është: “Sa vjet diferencë keni me njëri tjetrin?”.
Përgjigja që unë zakonisht u kthej në raste të tilla është: “Aq sa duhet!”. Nuk është aspak e sjellshme të pyesësh tjetrin për moshën apo për lartësinë e të ardhurave të tij vjetore. Janë gjëra shumë personale për t’u ndarë me këdo.
Dhe meqë jemi tek tema e moshës, a e dini se cili ishte mendimi i Platonit lidhur me këtë? Sipas tij, gruaja duhet të jetë sa gjysma e viteve të burrit, plus 7 të tjera, për shembull, një burrë 40 vjeç duhet të ketë një grua 27 vjeçe.
Si rezulton kjo? Ja disi kështu: 40:2=20+7=27. Pra, nuk ka asnjë rëndësi nëse mashkulli është 10, 15 apo 20 vjet më i madh se femra.
