Dikur ishte simboli më i madh i fuqisë ushtarake amerikane në rajonet e Indisë dhe Paqësorit. Por tashmë ajo po çohet për skrap.
Në vitet ’80 ajo u përplas me një nëndetëse sovjetike, në aksident nga i cili doli e padëmuar. Por vitet kanë bërë të vetën dhe ajo “doli në pension”
Fjala është për aeroplanmbajtësen “USS Kitty Hawk”, e cila sot bën udhëtimin e fundit, nga Uashingtoni në Teksas, ku pritet të kthehet në skrap. Anija historike, 319 metra e gjatë dhe 77 metra e gjerë, u ble vitin e kaluar nga International Shipbreaking Limited nga Brownsville për një shumë simbolike prej 1 dollarësh.
Për shkak të madhësisë ajo nuk mund të kalojë Kanalin e Panamasë dhe për këtë arsye do të duhet të ecë përgjatë brigjeve të Amerikës së Jugut për të arritur në destinacionin e tij përfundimtar.
“Kitty Hawk” u ndërtua në vitin 1960 dhe shërbeu në Marinën e SHBA-së për gati 50 vjet, përpara se të “dilte në pension” në vitin 2009. Ishte aeroplanmbajtësja e parë që furnizohej me naftë. Fama e tij u rrit gjatë Luftës së Vietnamit dhe, natyrisht, gjatë Luftës së Ftohtë.
Përplasja me K-314 Sovjetik
Ajo ka qenë “arma” kryesore e forcave amerikane në brigjet e Vietnamit që nga fillimi i viteve 1960. Kishte ditë kur nga kjo areoplanmbajtëse u bënë më shumë se 100 ngritje. Misioni i saj i fundit në Azi u zhvillua në 1972.
Në vitin 1984, gjatë stërvitjeve të përbashkëta me Korenë e Jugut, “Kitty Hawk” u përfshi në një aksident teksa lunate si “mace me miun ” me një nëndetëse sovjetike K-314, e cila peshonte 5 tonë dhe kishte një ekuipazh prej 90 personash. Më 21 mars, gjatë një prej “ndjekjeve” të shumta, K-314 u përplas aksidentalisht me aeroplanmbajtësen amerikane.
“Komandanti i K-314 dha urdhër për zhytje, për të shmangur përplasjen. Menjëherë pas fillimit të procesit, nëndetësja ndjeu një zhurmë të fortë. Pas disa sekondash, pasoi një goditje e dytë. Ishte e qartë se nëndetësja nuk ishte fundosur në një vend të sigurt, si rezultat i së cilës goditi “Kitt Hawk”, raporton uebfaqja ushtarake ruse Top War.
Për fat të mirë, askush nuk humbi jetën nga përplasja dhe nëndetësja mundi të arrinte në portin sovjetik të Vladivostok për të riparuar dëmet e saj. Ndërsa “Kitt Hawk” ishte sikur të mos kishte ndodhur asgjë.
Vitet e fundit
Në fillim të viteve 1990, aeroplanmbajtësja u dërgua në Somali dhe shërbeu si bazë për sulmet ajrore kundër Irakut. Në verën e vitit 1998, “Kitty Hawk” ishte në Japoni dhe iu bashkua Flotës së 7-të të Marinës së SHBA. Ajo qëndroi atje deri në vitin 2009, kur u mor vendimi përfundimtar për tërheqjen e tij.
