Ditë zie për Sali Berishën dhe Ilir Metën. Ngritja e bazës së NATO-s në Kuçovë shuan përfundimisht shpresën e tyre për destabilizimin e Shqipërisë, me qëlllim për t’i shpëtuar SPAK-ut.
Dihet botërisht se Sali Berisha dhe Ilir Meta janë kundërshtarët më të përbetuar të Reformës në Drejtësi. Me afrimin e SPAK-ut, Berisha dhe Meta kanë nxjerrë në betejë Bashën dhe Monikën për të organizuar protesta, me shpresën e destabilizimit të vendit.
Por ngritja e bazës së NATO-s në Kuçovë është garancia më e madhe se në Shqipëri nuk mund të zbatohet asnjë skenar detabilizues, aq më tepër nga kokat e krimit dhe të korrupsionit në vend.
Baza e NATO-s, së pari do të grantojë sigurinë kombëtare në Shqipëri, nga forca të brendshme dhe të jashtme.
“Është e vështirë të besohet se vetëm 10 vjet më parë, në pranverën e 2009 Shqipëria u bë anëtare e NATO-s dhe brenda një kohe të shkurtër po nisim përmirësimin e infrastrukturës së bazës ajrore të Kuçovës.
Brenda pak muajsh dhe vitesh ajo do të shndërrohet si parajsa e avionëve në Kuçovë. Jemi shumë të gëzuar që po përparojmë në këtë drejtim.
Forcat e armatosura të Shqipërisë po japin ndihmesën e tyre për ruajtjen e paqes në rajone të ndryshme”, tha gjeneral Woters.
Kjo lëvizje e NATO-s, që do të kushtojë 51 milionë euro, iu mbyll përfundimisht të gjitha dyert dyshes më famëkeqe të politikës shqiptare të këtyre 28 viteve, Ilir Meta dhe Sali Berisha, për të destabilizuar dhe shkatërruar më tej Shqipërinë.
Ky është një mesazh i qartë se tentativat e tyre kundër interesit kombëtar janë të dështuara dhe se rruga e tyre e vetme është përballja me drejtësinë e re.
