Djali i ish-ministrit të Brendshëm, Saimir Tahiri feston ditën e sotme 11-vjetorin e lindjes.
Kjo është ditëlindja e parë që Drini e kalon pa praninë e të atit pasi ky i fundit u dënua nga gjykata me 3 vite e 4 muaj burg për shpërdorim detyre.
Gjatë kohës kur ish-ministri i Brendshëm, Saimir Tahiri ishte pranë familjes, në llogaritë e tij në rrjetet sociale nuk mungonin urimet për të birin. Në vitin 2019, Tahiri i uroi ditëlindjen e 8-të djalit të tij të parë, Drinit, nëpërmjet një shkrimi të gjatë ne Facebook.
Në postimin e bërë para tre vitesh, Ish-ministri shkruante këshillat e tij si baba për Drinin asokohe 8-vjeçar, duke i thënë se është gjithmonë pranë tij në sfidat me të cilat do ta përballte jeta.
“Leter për tim bir…
Tani shkove 8 Drin! Ndërsa unë kam humbur shumë kohë, në fillim se më mori me vete puna, me pas fatura e punës sime.
Nuk jam as i pari e as i fundit që harroj gjërat e rëndësishme në jetë. Nuk jam as i pari e as i fundit që e kuptoj më vonë.
Dikur do e kuptosh edhe vete.
Por mjaftohu me shëmbullin tim e mëso të bëhesh i mirë, se më i mirë se mua je që tani.
Gjëra me rëndesi do të të dalin plot në jetë, por kurrë mos harro veten dhe ata që ke pranë. Kjo ka më shumë rëndësi, gjithmonë.
Ti tani po rritesh. Pa e kuptuar as unë. As ne.
Po ç’ke kaluar deri sot, është asgjë me ç’të vjen përpara.
Por ti jepi forca! Edhe kur të të duket se fuqia të lë. Mua me ke aty.
Ka nga ata që do kenë më e pakta 2 fytyra. Të tjerë kanë më shumë. Ka nga ata që tradhetojnë veten, nënën, babain, vëllain, motrën, djalin e vajzën, shokun e mikun. Njerezit e vendin po e po.
Por mos u lesho! Ka plot edhe nga ata që janë të vërtetë.
Edhe ti ashtu bëhu. I vertete.
Ji vetevetja. Edhe kur të duket se nuk fiton gje. Përballë atyre që shesin veten e gjithçka kanë, ti fito veten tënde.
Lufto! Lufto gjithomë! Me veten e me kedo tjeter. Por mos e tradhto shpirtin e gjithcka beson. Per këdo e asgjë.
Humbe garen “kush duket më shumë e kush fiton më shumë”. Fito garën e jetës, për të ditur më shumë e për të dhënë më shumë.
Dhe jep! Sakrifiko!
Në jetë çdogjë e ka një çmim. Por më të shtrenjtin e ka liria. Atë çmim paguaje me çdo kusht. Në fund, liria vlen më shumë.
Por ka dhe shpagim, çdo gjë. Dikur. Ndaj bëj durim.
Drejtësia nuk vjen vetë, po se kërkove. Edhe me luftë.
Ajo është lufta që ia vlen ta bësh gjithmonë, edhe kur e humbet.
Por ti do e fitosh Drin.
Mua më ke aty, përgjithmonë.
Edhe 100 🤗🤗🤗“, shkruhet në postimin e 2019-tës.
Por ajo që bie në sy është fakti se postimi ende merr komente nga ndjekësit e Tahirit në rrjetin social.
Komentuesit urojnë Drinin për ditëlindjen e tij tashmë të 11-të, duke risjellë në vëmendje fjalët që ish-ministri i shkroi para 3 vitesh dhe e inkurajojnë ta kalojë këtë moment.
Nga ana tjetër edhe në vitin 2019 nuk kanë munguar komentet nga ndjekësit:
Ish-ministri Tahiri është baba i dy fëmijëve. Bashkëshortja e tij, Fatlinda, solli në jetë një tjetër djalë 3 vite më parë. Çifti vendosi që të voglin ta pagëzonin me emrin e veçantë, Golik dhe bashkëshortja e Tahirit ndau edhe një foto krah dy djemve të saj ku shkrunate: “Mama krenare” .
