Sapo SPAK afrohet tek Ilir Meta, Sali Berisha, familjarët dhe besnikët e tyre që nga momenti në moment mund t’i shesin para drejtësisë, dyshja më e korruptuar në Shqipëri intensifikojnë dhe më shumë konferencat për shtyp, daljet televizive dhe kërcënimet, duke demonstruar shenja të shqetësimit të thellë në kufijtë e panikut.
Dje drejtësia e re e bëri “pushim”, pasi nuk njoftoi asnjë goditje. Kjo bëri që dhe Meta e Berisha për herë të parë gjatë këtyre javëve të nxehta të SPAK ndërpritën konferencat për media duke e bërë gjumin e qetë nga makthi i arrestimeve.
Alarmi i tyre është produkt i dosjeve penale në SPAK, ku Sali Berisha dhe ish presidenti Meta janë protagonistë të drejtpërdrejtë. Kurrë më parë në karrierën e tyre politike, Berisha dhe Ilir Meta nuk ka pasur një numër të tillë llogarish të hapura me drejtësinë dhe asnjëherë më parë nuk kanë qenë pranë rrezikut për t’u marrë të pandehur.
Zhvillimet e bujshme brenda SPAK i kanë tmerruar. Madje dje në një media në pronësi të familjes Berisha u shfaq një artikull, i cili sulmonte ashpërsisht SPAK duke e quajtur polici private e Edi Ramës. Ndërkohë ky argument bie, pasi 80 përqind e kabinetit qeveritar të kryeministrit është me dosje dhe pjesa më e madhe i ka rënë në burg.
Madje i rrezikuar kryesor është dhe Rama pasi dosja e inceneratorëve vazhdon të hetohet dhe sekuestrimi së fundmi i inceneratorit të Tiranës pritet të sjellë shumë surpriza. Gjithashtu sulmet e familjes Berisha se SPAK është i kapur nga qeveria sërish rrëzohet, pasi kreu i kësaj strukture Altin Dumani thuhet se i mbylli telefonin Ramës dhe nuk e priti në takim pas emërimit në SPAK.
Kujtojmë se dy rivalët e Altin Dumanit që kandidonin për të marrë drejtësinë e re, Rama i kishte të besuarit e tij. Para se të kandidonin ata nënshkruan aktin e mirëbesimit për të qenë besnikë deri në vdekje ndaj shefit të qeverisë. /Elmas Bogdani
