Edlira Hyseni, kandidatja e gjashtë në renditjen e Lëvizjes Socialiste për Integrim në Durrës, ka sqaruar nëpërmjet një statusi në Facebook se përse ka vendosur të pranojë mandatin, duke thënë se është ndikuar nga kërkesa e të birit.
“Ti mam, duhet ta pranosh ate mandat, sepse partite i bejne njerezit e kush te njeh, e di se ti zgjedh me zemer, se ti ke ngritur nje jete mbi punen” – me tha Kevin, im bir, vetem 19 vjec. Kevin me tregoi edhe kete here, se femijet tane jane nje brez i bukur, mbushur plot besim e shprese, nje brez qe meriton te zgjedh te ardhmen e tij ne Shqiperi! Po, une do ta pranoj mandatin per deputete e Qarkut Durres ne Kuvendin e Shqiperise, qe mbase rastesia a mbase dicka me shume e solli si mundesi reale ne udhen time”, ka shkruar ajo.
Edlira Hyseni gjithashtu shkruan se do ta pranojë mandatin për të dhënë sado pak shpresë, por paralajmëron se gjithsesi do të jetë në opozitë me qeverinë.
“Uroj t’ju kem krahe e mbeshtetje, pertej cdo ngjyre apo bindje politike, sic keni qene perhere ne perpjekjet e mia, per nje jete me te mire ne qytetin qe duam, ne keto 4 vite perfaqesie ne Keshillin Bashkiak te Durresit. Dhe … Opozitare kam lindur, politikane s’e di ende”, ka shkruar Hyseni.
