SHBA-BE, që po instalojnë reformën në drejtësi, ONM që po monitoron “Veting”-un, Drejtoria e Pastrimit të Parave dhe Seksioni i Anti-krimit Financiar në Prokurorinë e Tiranës, mund ta përdorin krye-prokuroren e Krimeve të Rënda, Donika Prelën, si “model tregues”, se si vihet pasuria me korrupsion padrejtësie, në drejtësinë shqiptare.
Mirëpo Donika Prela, falë vendimit të KPK, në vend të ishte subjekt hetimi penal në dosjet e prokurorisë, si ish-shefat e saj Llalla e çifti Gashi-Gina, me akuzën për pasuri të paligjshme, të vënë gjatë ushtrimit të detyrës, po vazhdon të jetë jo vetëm në sistemin e drejtësisë, por edhe drejtuese e institucionit, që heton dosjet e krimeve të rënda.
Vendimi i KPK, për ta vlerësuar “të pastër e të aftë” Donika Prelën, u mbështet nga loja zvarritëse e KPA, për të mos e përjashtuar nga sistemi, lënë në heshtje anti-kushtetuese, prej Këshillit të Lartë të Prokurorisë KLP(S) që drejtohet nga Gent Ibrahimi, duke mos e shkarkuar nga detyra, ndoshta, ngaqë “perla” e pazareve Donika Prela, i ka mbyllur një dosje të kunatës ish-ministre, për radarët e ushtrisë në Durrës.
Tashmë, deklarata pasurore e Donika Prelës, është “Metodikë Mësimore”, se si mund të bëhesh pasanike e milionere, vetëm më një pagë vjetore 50-70 mijë lekë të reja si prokurore, ndërkohë që sipas vetë-deklarimit në vitin 2002, deri në fund të vitit 2006, ajo ka banuar në shtëpi me qira, ndërsa bashkëshorti, ka qenë i punësuar si inxhinier në biznes ndërtimi, me 15 mijë lekë pagë në muaj, vit kur paga minimale zyrtare e detyrueshme, ishte 18 mijë e 400 lekë.
Si me “shkop magjik”, apo sikur të kishte fituar ndonjë llotari amerikane, vetëm 3 muaj pasi ka deklaruar, se nuk ka asnjë qindarkë e copë tullë pasuri, në vitin 2007, Donika Prela deklaron se burri i saj me pagë mujore 15 mijë lekë të reja (180 mijë lekë të reja në vit), ka blerë një aparatment me vlerë 32 mijë euro, ose sipas kursit të euros në atë vit, me vlerë 5 milionë lekë të reja.
Ndoshta ky fakt, nuk është skeduar nga OMN, që po verifikon dosjen e vendimit të “Veting”-ut për prokuroren Prela, por po i kujtojmë, së në vitin 2006, të ardhurat vjetore të saj dhe bashkëshortit, me punë inxhinier në biznes ndërtimi, por me pagë sa 20% e pagës së lopataxhiut, ishin vetëm 618 mijë e 129 lekë të reja, së bashku me 9000 lekë shpërblim, që i ka dhënë prokuroria e Durrësit, pas lindjes së fëmijës, si prokurore e “pa korruptuar”.
Ndërsa, ditën që ka raportuar para komisionit të “Veting”-ut, kryeprokurorja e krimeve të rënda, përveç “pasurisë së rëndë” të paluajtshme të deklaruar, rezulton edhe me 11.1 milionë lekë të reja, për të cilat thotë, se janë fitime në punë e biznese “në të zezë” (ilegale), që ka bërë bashkëshorti Vangjel Prela (e gjeta Vangjel), por zonja Prela “nuk e dinte”, ngaqë merrej me dënimin e të tjerëve, që punonin “në të zezë”.
Shumë “çudira”, ka informacioni i ardhur në redaksinë “PAMFLETI”, për 17 vitet (2001-2018) e ushtrimit të detyrës së Donika Prelës (Prenga), si prokurore, si Drejtuese e “Taskë Forcës Speciale” Kundër Krimit të Organizuar në Prokurorinë Durrës dhe Drejtuese e Seksionit kundër Krimit Ekonomiko-Financiar e Kibernetik, por edhe 5 muaj, si kryeprokurore e Durrësit, ndër të cilat mund të veçojmë, faktin se me pretencat e saj, ka çuar në burg, 93 persona për punë e aktivitet ekonomiko-financiar në të zezë, kur “punën e zezë” e kishte në krevat (burrin).
NË VIJIM, referuar informacionit që na ka ardhur, do publikojmë disa dosje me firmën “Prela”, me hetime “të pushuara për mungesë provash, me zgjidhje paqësore, me tejkalim afati hetimor, me arrestime të paligjshme, me pafajësi e mos gjetje adrese personi”, ku subjekt janë biznesmenë, zyrtarë shteti e familjarë të tyre, por edhe disa “birësues” fëmijësh e trafikantë me letra false, trafikantë femrash, milionash krimi, makinash, cigaresh, pijesh, karburanti, produktesh ushqimore e kozmetike./Pamfleti
