Disa ditë më parë Izet Haxhia u vetëdorëzua në policinë turke, me qëllim që të niste procedura e ekstradimit të tij drejt Shqipërisë. Ndërsa ditën e nesërme, Izet Haxhia do të dal para gjykatës, për tu njohur me kushtet e ekstradimit.
Pasi Haxhia njoftoi përmes faqes së tij në Facebook, lajmin e vetëdorëzimit, avokati mbrojtës Fran Dashi u shprej se: “Kemi dorëzuar vendimet shqiptare!”
Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin e tij, ndonëse pala shqiptare kishte bërë kerkesa të vazhdueshme në kohën kur në pushtet ishte Sali Berisha.
Për 12 vjet me radhë gjykata turke kishte urdhëruar thjesht që ai të mos largohej jashtë vendit, ndërsa në shkurt të këtij viti befas u mor vendimi që ai të ekstradohet.
Izet Haxhia është dënuar nga gjykata shqiptare me 25 vite burg për vrasjen e Azem Hajdarit, akuzë të cilën ai nuk e ka pranuar kurrë. Ekstradimi i tij në Shqipëri dot të rihap dosjen “Hajdari”./Tellalli
