Gjyqtarja e Durrësit, Shpëtime Pitaku, la në burg 48-vjeçarin e akuzuar nga e bija për incest. Avokati deklaroi se akuza është e sajuar dhe vete 15 vjeçarja, pranoi se është hakmarrje ndaj të atit se i hoqi celularin. Dëshmia e saj nuk u administrua në seancë ndaj masa e sigurisë do të ankimohet.
Një adoleshente e zemëruar sajoi akuzën e incestit, beri denoncimin ne komisariat dhe çoi pas hekurave te atin. 48-vjeçari u arrestua nga policia e Kavajës, ndërsa këtë të premte doli për masën e sigurisë në Gjykatën e Durrësit.
Gjyqtarja Shpëtime Pitaku e la në arrest me burg me kërkesë te prokurores, Oltiana Çifligu, pavarësisht se avokati Ilia Ilia paraqiti prova se 15-vjecarja është e virgjër dhe rrjedhimisht babai nuk ka kryer marrëdhënie seksuale.
Por kush është gjyqtarja milionere që tallet me drejtësinë dhe vendos sipas qejfit:
Gjyqtarja e Durrësit Shpëtime Pitaku rezulton një ndër gjyqtaret më të pasura të sistemit të drejtësisë.
Në deklaratën e saj të pasurisë, vetëm për vitin 2015 që ka dorëzuar pranë ILDKP, gjyqtarja thotë se ka 5 lokale, të cilët i kanë sjellë të ardhura të konsiderueshme. Nga qiratë e pesë lokaleve ka marrë shumat 9 600 euro, 360 000 lekë, 1 200 euro, 1 200 euro dhe 1 800 euro. Gjyqtarja deklaron edhe një sipërfaqe trualli 650 m2 dhe sipërfaqe ndërtimi 442 m2, në bashkëpronësi.
Nga veprimtaria si gjyqtare, zonja deklaron 1 426 425 lekë, të ardhura nga puna e bashkëshortit si mjek stomatolog privat 1 609 327 lekë, gjendje nga paga, 173 802 lekë, qira të klinikës dentare 120 000 lekë.
Në vitin 2015, Inspektorati i Lartë i Deklarimit dhe Kontrollit të Pasurive dhe Konfliktit të Interesave ka paditur në prokurori gjyqtaren e Gjykatës së Durrësit, Shpëtime Pitakun.
“Në përfundim të kontrollit të plotë rezultuan fshehje të pasurive, deklarime të rreme të interesave private, falsifikime dokumentash, mungesë burimesh të ligjshme financiare dhe dyshime për pastrim parash në shumën rreth 1 milion usd”, thuhej në njoftimin e ILDKPI.
ILDKPKI i kërkoi organit të Prokurorisë një hetim të plotë e të gjithanshëm për subjektin deklarues Shpëtime Pitaku, pasi është kallëzuar edhe më parë nga ILDKPKI për veprën penale të falsifikimit të dokumenteve zyrtare.
Mirpo Shpëtimja shëpëton dhe lundron nëpër ujrat e drehjtësisë akoma në fakt në llumin e drejtësisë pasi pas kallzimit nga ILDKPK hetimeve e nxorën milionere por të ndershme. Madje kjo milionere ra edhe pre e vjedhjes në shtëpi ku sipas saj i kishin marrë vetëm dy mijë euro dhe bizhuteri.
