Nëse nuk do të ishte për Osimhen, beteja e “Këpucës së Artë” për këtë sezon do të ishte mbyllur para se të fillonte. Me një trashëgimtar të caktuar për të marrë gjithçka: Erling Haaland.
Jo se Benzema, 35 vjeç, dhe Lewandowski, 34 vjeç, simbolet e dekadës së fundit, janë dorëzuar, por mosha luan në mënyrë të pashmangshme kundër tyre. Askush nuk e imagjinonte që ngjitja teknike, taktike dhe fizike e norvegjezit të ishte aq e shpejtë dhe e menjëhershme në hierarkitë e top-shënuesve europianë.
Haaland kërcënon të bëhet jo vetëm “9” më i fortë në botë, kjo është e dukshme, por edhe prototipi i një epoke: qendërsulmuesi bionik i së ardhmes, fizikisht në majë, pothuajse sikur punon me motor, me prani shkatërruese në zonë dhe, me mësimet e Guardiolës, gjithnjë e më shumë manovrues.
Shifrat e 22-vjeçarit janë si ato të Messit dhe CR7 një here e një kohë, me startin më produktiv: 32 gola në 31 ndeshje te Manchester City; 86 gola në 89 ndeshje Borussia Dortmund; 29 gola nga 27 ndeshje me Salzburg. Ai së shpejti do të luftojë me Mbappé për “Topin e Artë”.
Haaland Osimhen
Kush tjetër mund t’i rivalizojë ata? Një sfidues i norvegjezit dhe francezit, megjithatë po del nga grupi i ndjekësve, ndikimi i të cilit është gjithnjë e më mbresëlënës. Victor Osimhen është dy vite më i vjetër se norvegjezi, me një fizik më pak mbresëlënës.
Saktësisht është 10 centimetra më i shkutrër dhe pothuajse 15 kg më i lehtë në peshë se Haaland. Osimhen ka goditje perfekte të “9” modern, të fuqishme dhe të shpejta, harmonike dhe të shkathëta.
Ai ka më shumë paparashikueshmëri në lëvizje, në të gjithë frontin e sulmit, sepse jep më pak pika referimi me lëvizshmërinë e tij të jashtëzakonshme. Kur Victor arriti në Napoli nga Lilla, tre vite më parë, Gattuso ishte në pankinë.
Ai ishte një finalizues, që priste ndihmën dhe jo gjithmonë dukej i përqendruar. Shpesh synonte vetëm thellësinë, kishte pak durim. Sot është i gjithanshëm në lojë, sepse e kuptoi që para portës mund të jetë më i dobishëm sesa në inkursionet vertikale.
Mbi të gjitha, ai mësoi të diktojë mbështetjen, pa monopolizuar manovrën si Lukaku në Interin e Conte. Me të, Spalletti ka më shumë zgjidhje dhe Kvaratskhelia është burimi i ideve për të cilat ndoshta Haaland ëndërron gjithashtu.
