Është e pabesueshme por ankesat e qytetarëve ndaj operatorit të telefonisë celulare ONE ALBANIA janë thuajse të pafundme. Përditë vijnë denoncime nga më të ndryshmet nga shumë qytetarë në lidhje me këtë kompani.
Ankesat janë të larmishme, duke filluar nga mos respektimi i kontratave të firmosura nga vetë përfaqësuesit e kompanisë e duke vazhduar më tej me mos mbyllje numri pas kërkesës, zvarritje procedurash e shërbim pa cilësi, etj, etj.
Por një aspekt tepër interesant i ankesave, i pasqyruar shpesh herë edhe me video, është fakti i mos lëshimit të faturave nga dyqanet e kësaj kompanie, në rastin kur qytetarët bëjnë pagesat e tyre për shërbimet e marra.
Në bazë të ligjit, ky është evazion i pastër fiskal dhe mjafton një kontroll i thjeshtë i strukturave përkatëse të varura nga Ministria e Financave, që pronari i ONE ALBANIA të përfundojë pas hekurave për evazion fiskal.
Megjithatë për çudi kjo nuk ka ndodhur dhe ende nuk po ndodh. Është e habitshme gjithashtu që as SPAK i drejtuar tashmë nga Altin Dumani, nuk ka ndërmarrë asnjë hetim ndaj këtij operatori me impakt të madh në tregun e telefonisë celulare.
Madje hetimi duhet të fillonte që në faktin kur kjo kompani u lejua të blinte kompaninë tjetër ALBTELECOM dhe duke kthyer në këtë mënyrë tregun në një duopol.
Sido që të jetë, e rëndësishme është që nga mos veprimi qoftë i Ministrisë së Financave ashtu edhe të SPAK, qytetarët e mjerë po e “hanë çdo ditë”. Sepse në vend që të arrestohet pronari i ONE për evazion fiskal, arrestohen qytetarët hallexhinj për 5 mijë lekë.
Ndërsa informimi për skandalete e kësaj kompanie që pas bashkimit të dy operatorëve pothuajse është zero, sepse shumë media audio vizive ashtu dhe ata të shkruarat janë me gojën e kyçur me parat që marin çdo muaj nga e reklamat shitëse të produkteve të ONE Al që janë një mashtrim publik në vete.
