Lojtarët dhe stafi i kombëtares së Gambisë kanë përjetuar momente tmerri. Futbollistët dhe stafi po udhëtonin drejt Bregut të Fildishtë përpara fillimit të Kupës së Afrikës, por ky fluturim është ndërperë.
Sipas mediave bëhet me dije se pas 9 minutash pasi avioni është ngritur, lojtarëve u ka rënë të fikët për shkak të mungesës së oksigjenit. Kjo ka bërë që shumë lojtarë të humbnin vetëdijen për disa minuta, teksa është bërë ulje urgjente dhe avioni është rikthyer sërish në aeroportin që u nis.
Në bordin e avionit ishte edhe ish-lojtari i Manchester United, Saidy Janko, i cili bëri një postim në rrjetet sociale, ku tregoi çfarë kishte ndodhur.
“E papranueshme. Pasi udhëtuam gjithsej 32 orë nga Arabia Saudite në Gambia me pushime të gjata në Stamboll dhe Casablanca, ne duhej të fluturonim sot nga Gambia në Bregun e Fildishtë për AFCON.
Sapo hymë në aeroplanin e vogël që ishte marrë me qira për të fluturuar, vumë re vapën e pamasë që na pikonte djersë. Na u sigurua nga ekuipazhi se klimatizimi do të fillonte sapo të ishim në qiell.
Nxehtësia çnjerëzore e përzier me mungesën e pranishme të oksigjenit la shumë njerëz me dhimbje koke të forta dhe marramendje ekstreme. Për më tepër, njerëzit filluan të binin në gjumë të thellë disa minuta pasi hynë në avion”, ka shkruar Janko.
“Ne të gjithë mund të kishim vdekur. Të gjithëve na zuri gjumi shpejt. Edhe mua. Unë kisha ëndrra të shkurtra për mënyrën se si u bë jeta ime”.
Për pak u helmuam me monoksid karboni. Edhe gjysmë ore fluturim dhe të gjithë do të kishim vdekur”, ka thënë trajneri i Gambisë, Tom Saintfiet.
https://www.instagram.com/saidyjanko22/reel/C17yvfRNSXq/
