Arben Malaj është thirrur në Komisionin Parlamentar të Ekonomisë te Kuvendit te Shqipërie, per seancë pyetjesh rreth propozimit per shkarkimin e tij nga Këshilli Mbikqyrës i BSH, të bërë nga Rama.
Sot kërkon shkarkimin për deklaratat kritike të Malajt ndaj qeverisjes, por tjetër Ramë shihet kur e propozon Malajn për në KMBSH.
Ai e quan madje të shkarkuarin e sotëm “figurë shumë të vlefshme”.
Kur Malaj e Bode u emëruan si propozime të KM, në një përgjigje të këtij të fundit për dikë në FB me emrin Ismet që i shkruan si ka mundësi që një si Bode të emërohet prej tij në Bankën e Shqipërisë, Rama gjegjej.
“Historikisht ka qenë kështu, si për një çudi të madhe që e ka bërë BSH të vetmin institucion në këtë vend ku mortja rrot-kadriste e politikës qorre partiake, s’ka bërë dot asnjë shkatërrim ndër vite. Të jesh i propozuar për të kontribuar në bordin e BSH, s’duhet të jesh tradhtar, as shërbëtor partie por duhet thjesht të jesh një profesionist.
P.sh Arben Malaj dhe Ridvan Bode janë dy ish-ministra, njëri socialist, tjetri demokrat, sot jashtë rolit partiak, të dy nuk janë dakord për asgjë nëse debatohet për taksat, borxhin, por kur vjen puna te proceset vendimmarrëse të BSH, janë dy figura shumë të vlefshme në shërbim të politikës monetare të vendit tonë. E thënë ndryshe për ty Ismet, shërbëtorë të zellshëm të partisë tënde si Flamur Kadriu apo Kadri Noka, partia mund t’i propozojë në bordin e institutit për kërkime peshqish Oqeanin Indian….”
