Një ngjarje e rëndë raportohet se ka ndodhur pasditen e djeshme në mbikalimin e Kamzës, ku një magazinë u përfshi nga zjarri pasditen e djeshme.
Edhe pse kanë kaluar shumë orë, Arjan Sala, roja i sigurisë i cili dyshohet të ketë humbur jetën në magazinën që tek mbikalimi i Kamzës, ende nuk është gjetur. Flakët janë ende aktive.
Mësohet se roja rreth 30 vjeç u fut në magazinë për të shpëtuar punonjësit nga zjarri që kishte rënë, por dyshohet se ka mbetur vetë brenda. Familjarët kanë tentuar të lidhen disa herë me të nëpërmjet celularit, por pa sukses.
Xhaxhai i 30-vjeçarit mbrëmë tha se shpresat i kanë vetëm te Zoti, pasi shteti nuk e ka bërë detyrën. I riu është prind i një djali 2 vjeç dhe kishte disa vite që punonte në sektorin e sigurisë në këtë magazinë, ndërsa tashmë ishte përgjegjës.
