Grigori Surkis, ish-presidenti i Federatës Ukrainase të futbollit, i cili zbarkoi në vendin tonë në vitin 2018 si i dërguari special i UEFA-s për të certifikuar rizgjedhjen e Armand Dukës në krye e FSHF-së, është cilësuar si tradhtar nga Ukraina kjo për shkak se u largua nga vendi me 17 milionë dollarë.
Biznesmeni nuk iu bind ligjit ushtarak në Ukrainë, duke u larguar nga vendi në ditën e tretë të luftës. Ai iku në mesnatë, bashkë me familjen, ndërsa u kap në kufirin hungarez me 17 milionë dollarë para cash në bagazhin e makinës së tij të blinduar Maybach S650, vlera e të cilit llogaritet në 700,000 dollarë.
Në deklarimet e tij, biznesmeni bashkë me vëllain Igor, thanë se nuk kishin para me vete, megjithatë nga kontrollet e autoriteteve rezultoi e kundërta.
Rezulton se shuma e parave është nxjerrë nga Ukraina pa deklaruar asgjë në autoritetet doganore, veprim ky është cilësuar si tradhti nga ukrainasit, të cilët vendosën të qëndronin në vendin e tyre për të luftuar forcat ruse.
