I deleguari i PD në degën 4, Gent Strazimiri, e vlerësoi si një moment shpresëdhënës afrimin e të rinjve dhe anëtarësimin e tyre në PD. Strazimiri vuri në dukje se ky është një moment historik, i ngjashëm me atë të 3 dekadave më parë, kur u rrëzua regjimi diktatorial dhe lindi pluralizmi politik.
“Sot nuk është vetëm dëshira për t’u marrë me politikë dhe për t’u angazhuar në atë parti që ke besimin tradicional, familjar, historik, sot është një moment më shumë patriotik. Sot është një ditë anëtarësimi po aq e rëndësishme sa ç’ka qenë 21 shkurti i vitit 1991, sa ç’ka qenë dhjetori i vitit ’90.
Një pjesë e jona kemi pasur fatin të anëtarësohemi në Partinë Demokratike në këto data, ndërsa ju sot keni sot mundësinë e tretë historike për t’i shërbyer Shqipërisë, për të bërë aktin tuaj patriotik, për t’u mbledhur të gjithë bashkë për të shpëtuar vendin nga kjo e keqe e madhe. Sigurisht 11 Maji do të jetë një nga ato data.
Do të jetë një gur kilometrik që do të rishkruhet me gërma të arta historia e Shqipërisë”- u shpreh Gent Strazimiri në aktivin e degës 4 të PD në Tiranë, ku u anërësuan për herë të parë disa dhjetëra të rinj.
Dhe 11 maji i protestes se opozites, vjen pas 16 shkurtit, 16 marsit dhe pasdites se 13 prillit, dite proteste keto qe jane deklaruar nga opozita se do te “shkruhen me germa te arta ne historine e Shqiperise”.
